Alþjóðastarf

Flýta ætti þróun á notkun vetnis til eldsneytis, samkvæmt niðurstöðum evrópsks rannsóknaverkefnis sem styrkt er af 6. rannsóknaáætlun Evrópusambandsins, en með því mætti minnka heildarolíunotkun á bifreiðar um 40% frá og með nú til ársins 2050.

NordForsk auglýsir styrki til norræns rannsóknasamstarfs.

Skilafrestur for- umsókna til nýrra COST netverkefna er til 28. mars 2008, en þá verður u.þ.b. 75 umsækjendum boðið að senda inn fullgerða umsókn fyrir 20. maí 2008, en um 25 ný netverkefni verða þá valin.   http://www.cost.esf.org/index.php?id=721

Nú þegar ár er liðið frá því að 7. rannsóknaáætluninni var hleypt af stokkunum, er ESB nokkuð ánægt með framkvæmdina. Vart er vaxandi tilhneigingar til að úthýsa umsjón með undiráætlunum rannsóknaáætlunarinnar að hluta eða að öllu leyti og telur Janez Potocnik, yfirmaður stjórnardeildar vísinda og rannsókna hjá ESB, að það muni verða gert í auknum mæli og umsjón færð til ýmissa undirstofnana Framkvæmdastjórnarinnar.

HERA er samstarf 15 stofnana sem fjármagna rannsóknir í hugvísindum og lýkur árið 2009 með sameiginlegri markáætlun í hugvísindum. "Matchmaking-fundur" samstarfsins verður haldinn í París 19. apríl nk. en nú eru í fyrsta skipti í boði sérstakir ferðastyrkir (500 evrur). Umsóknarfrestur er til 28. febrúar. Nánari upplýsingar má nálgast á heimasíðu HERA, www.heranet.info.

COST auglýsir eftir sérfræðingum til að vinna með sviðsnefndum á skrifstofu COST í Brussel. Umsóknarfrestur er 16. janúar.