Alþjóðastarf

Réseau français d'études avancées (lausleg þýðing: Franskt tengslanet æðri mennta) hefur að markmiði sínu að taka á móti erlendum vísindamönnum á sviði hug- og félagsvísinda.

Í tengslanetinu eru fjórar stofnanir sem bjóða hver um sig dvöl allt að einu akademísku ári að lengd. Vísindamönnum er frjálst að vinna að rannsóknum sínum meðan á dvölinni stendur án kvaða af hálfu stofnunarinnar. Einstaklingar jafnt sem hópar vísindamanna geta sótt um rannsóknardvölina. Laun eru samningsatriði milli vísindamanna, atvinnuveitenda þeirra á Íslandi og stofnunarinnar sem dvalið er við í Frakklandi. Ekki er nauðsynlegt að tala frönsku til að taka þátt í verkefninu.

Evrópska vísindastofnunin, ESF, auglýstir eftir forumsóknum í fjórar nýjar EUROCORES áætlanir. Umsóknarfrestur er í byrjun mars á næsta ári.  Hér að neðan eru tenglar á heimasíður ESF með nánari upplýsingum.

Framkvæmdarstjórn Evrópusambandsins hefur gefið út leiðbeiningarbækling um fjárhags- og uppgjörsreglur 7. rannsóknaáætlunarinnar.  Hér má nálgast bæklinginn.

Lýst hefur verið eftir umsóknum í nokkrar undiráætlanir 7. rannsóknaáætlunarinnar. Umsóknarfrestir eru á fyrri hluta 2009 í febrúar, mars og apríl og eiga við áhersluatriði í vinnuáætlunum 2008 og 2009 eftir atvikum.

Fimmtudaginn 20 nóvember mun RANNÍS standa fyrir námskeiði um umsóknarferli 7.Rá ESB. Námskeiðið fer fram á íslensku og kennari verður Dr. Sigurður G. Bogason og verður gefið yfirlit yfir neðangreind efnisatriði, auk þess um önnur atriði varðandi FP7 er þátttakendur vilja bera fram. Námskeiðið verður með hringborðssniði til að örva gagnvirkar umræður milli þátttakenda og kennara.

Rannís og Rannsóknaþjónusta Háskóla Íslands efna til morgunverðarfundar um möguleika í upplýsingatækniáætlun 7. rannsóknaáætlunar ESB. Fundurinn verður haldinn föstudaginn 14. nóvember kl. 8:30-10:30 á Grand Hótel Reykjavík, Háteig.

Þróunarsjóður EEA/EFTA auglýsir styrki sem miða m.a. að því að auka samstarf milli háskóla á Íslandi og Slóvakíu. Ætlunin er að styrkja verkefni sem byggja á nánara samstarfi milli nemenda, kennara og rannsakenda í gegnum skiptiprógrömm, gerð sameiginlegs náms, skipulagningu námskeiða og fleira. Styrktímabilið er frá og með 1. apríl 2009 til og með 28. febrúar 2011.

Þann 20. nóvember nk. verður boðað til málþings til að meta hversu vel 7. rannsóknaáætlun ESB hefur virkað frá því hún hófst. Málþingið verður haldið á Radisson SAS hótelinu í Brussel. Nánar hér.

Ísland er aðili að EMBL, sameindalíffræðistofnun Evrópu.  EMBL býður upp á doktorsnám í sameindalíffræði og skyldum greinum og geta Íslendingar sótt um námsdvöl við stofnunina.  Nemendur sem teknir eru inn í námið fá framfærslustyrk á meðan á námi stendur og er öll aðstaða til fyrirmyndar, m.a. góð aðstaða fyrir fjölskyldufólk og leikskóli á staðnum.  Stofnunin er í fremstu röð á sínu sviði. 

Nýju samstarfsverkefni Rannís, Nýsköpunarmiðstöðvar Íslands og Útflutningsráðs Íslands var hleypt af stokkunum á fjölmennum kynningarfundi í Húsi atvinnulífsins 10. október sl.  Markmið Enterprise Europe Network er að aðstoða fyrirtæki, stofnanir og háskóla að auka samkeppnishæfni sína á alþjóðamarkaði með því að finna samstarfsaðila og koma á tengslum milli landa.