Alþjóðastarf

Fimmtudaginn 21. janúar 2010 mun RANNÍS standa fyrir námskeiði í fjármálastjórnun Evrópuverkefna. Leiðbeinendur á námskeiðinu verða Simon Walker og John Stringer frá ráðgjafarfyrirtækinu Berkley Associates. Námskeiðið fer fram á Grand hóteli Reykjavík, Sigtúni 38, milli kl. 9.00 og 17.00. 

Öndvegisrannsóknaráætlunin (Topforskningsinitiativet- TFI) er samnorrænt átak sem snýr að loftslagi, umhverfi og orku. Markmiðið er að með því að gera bæði rannsóknastofnanir og atvinnulíf þátttakendur, og með því að tengja þá bestu á sínu sviði saman, geti Norðurlöndin lagt sitt af mörkum við að leysa loftlagsvanda heimsins. Nokkrir umsóknarfrestir eru í byrjun árs.

Norrænar öndvegisrannsóknir auglýsa eftir umsóknum á sviði loftslagsbreytinga og freðhvolfsins. Markmið rannsóknanna er að auka skilning á samspili loftslagsbreytinga og freðhvolfsins. Freðhvolfið er veigamikill hluti af Norðurlöndum en freðhvolf vísar til vatns í föstu formi, t.d. í freðmýrum og jöklum.

Áskoranir hugvísinda verða til umræðu á ráðstefnu í Berlín 14. - 15. desember. Ráðstefnan er skipulögð af HERA sem er skammstöfun fyrir Humanities in the European Research Area. Meginverkefni HERA er að festa í sessi hugvísindi í Evrópska rannsóknasvæðinu og efla stöðu hugvísinda innan rammáætlunar Evrópusambandins.

Í tengslum við alþjóðlega ráðstefnu Norðurslóðaáætlunar 2007-2013  LAVA09 verða fjölbreytt verkefni sem Ísland tekur þátt í kynnt í Ráðhúsi Reykjavíkur. Opnunartími er 10. nóv. kl. 12:00 - 18:00 og 11. nóvember kl. 10:00 - 18:00 og er sýningin öllum opin. Verkefnin eru m.a. á sviðum viðbragða við loftslagsbreytingum, menningartengdrar ferðaþjónustu, heilsugæslu, fiskeldis, verslunar, veiða, handverks, viðbragða við stórslysum, almenningssamgangna, nýtingu trjáviðar, endurnýjanlegra orkugjafa, öldrunarþjónustu, vegagerðar  og  skapandi greina. Á hluta sýningarinnar verður  „lifandi vinnustofa" skapandi frumkvöðla sem leggja aukið gildi til valinna NPP verkefna.

Í boði er doktorsnám við EMBL, sameindalíffræðistofnun Evrópu.  EMBL býður upp á doktorsnám í sameindalíffræði og skyldum greinum og geta Íslendingar sótt um námsdvöl við stofnunina.  Nemendur sem teknir eru inn í námið fá framfærslustyrk á meðan á námi stendur og er öll aðstaða til fyrirmyndar, m.a. góð aðstaða fyrir fjölskyldufólk og leikskóli á staðnum. Umsókn þarf að skrá fyrir 1. desember næstkomandi. 

Myndir frá Vísindavöku 2009 eru komnar á heimasíðuna undir þessum tengli, en einnig má sjá fleiri myndir á myndasíðu hérna.

Aldrei hafa fleiri gestir sótt Vísindavöku eins og síðasta föstudag, en alls sóttu 2.790 gestir vökuna til að kynna sér viðfangsefni vísindamanna frá um 70 sýnendum. Rannís vill þakka sýnendum, sem lögðu á sig ómælda vinnu til að vera með, styrktaraðilum og samstarfsaðilum fyrir frábært samstarf. Myndir af Vísindavöku verða settar inn á vefinn innan tíðar. Hlökkum til að sjá ykkur á Vísindavöku 2010!

Mánudaginn 28. september stóð Rannís að kynningarfundi um þátttökutækifæri Íslendinga í þjálfunarnetum innan Mannauðsáætlunar ESB. Um 35 manns mættu á fundinn. Aðalfyrirlesarari var Dr. Kaisa Hellevuo frá Evrópusambandinu.

Vísindavaka er í dag föstudaginn 25. september í tilefni af Degi evrópska vísindamannsins og er hún haldin á sama tíma í helstu borgum Evrópu. Vísindavakan verður í Listasafni Reykjavíkur Hafnarhúsinu kl. 17-22. Menntamálaráðherra, Katrín Jakobsdóttir, opnar Vísindavöku og afhendir verðlaun í teiknisamkeppni barna og síðan hefjast atriði á sviði þar sem Sprengjugengið, Vísindavefurinn og Stjörnuskoðunarfélag Seltjarnarness mæta meðal annarra. Sýnendur hafa aldrei verið fleiri og mun fjöldi gesta sækja Vísindavökuna þannig að búast má við þröng á þingi! Það er greinilega mikill hugur í vísinda- og fræðimönnum þjóðarinnar og mikil gróska í rannsókna- og nýsköpunarstarfi.