Forsíðufréttir

Evrópusambandið hefur nú birt allar vinnuáætlanir 7. rannsóknaáætlunar sambandsins fyrir árið 2011. Þar má sjá hvers konar rannsóknarverkefni verða styrkt árið 2011, umsóknarfresti o.fl. Starfsfólk Rannís mun veita frekari upplýsingar eftir 9. ágúst, að loknum sumarleyfum.

Námskeið fyrir alla sem aðstoða vísindamenn, háskóla, fyrirtæki og stofnanir við umsóknargerð í 7. rá verður haldið 18. ágúst 2010 kl. 9:00-15:30 í húsnæði Endurmenntunar Háskóla Íslands við Dunhaga í Reykjavík. Leiðbeinandi Sean McCarthy.

Þrír vinningshafar í happdrætti Rannsóknavogar Rannís hafa verið dregnir út og hljóta þeir að launum gjafabréf fyrir fjóra í Borgarleikhúsið á sýningu að eigin vali. Heppnir þátttakendur voru valdir af handahófi úr hópi þeirra sem skiluðu inn svörum fyrir 5. júlí sl.

Næsti umsóknarfrestur heimkomustyrkja (Reingration Grants) í Mannauðsáætlun 7. rannsóknaáætlunar (People) verður 7. september 2010. Styrkirnir henta sérstaklega vel þeim sem hafa lokið doktorsgráðu og/eða starfað að rannsóknum utan Evrópu um nokkurra ára skeið.

Umsóknafrestur í Rannsóknasjóð vegna styrkársins 2011 rann út 1. júní 2010. Alls bárust 248 umsóknir sem er svipaður fjöldi og undanfarin ár. Sóknarfjárhæð heldur hins vegar áfram að hækka á milli ára (er nú ríflega 1.600 millj. kr.). Hér má nálgast greiningu á nýjum umsóknum.

Matís hefur nýlega fengið úthlutun úr 7. rannsóknaáætlun ESB til að stýra tveimur stórum rannsóknaverkefnum. Rannís óskar Matís til hamingju með árangurinn. Nánar hér.

Rannís hefur gefið út samantektina Frammistaða Íslands í nýsköpun 2009 sem byggist á evrópsku stigatöflunni um nýsköpun (European Innovation Scoreboard - EIS) sem greinir frá samanburði á frammistöðu Evrópuþjóða í nýsköpun. Ritið má nálgast hér.

Í haust verður lýst eftir umsóknum um samstarfsnet á sviði rafrænnar stjórnsýslu milli Íslands, Svíþjóðar og Eistlands.

Stjórn Rannsóknarnámssjóðs hefur lokið við úthlutun fyrir árið 2010. Að þessu sinni var um 95 milljónum úthlutað til 26 verkefna. Listi yfir úthlutun hér.

Rannís hefur nýverið opnað fyrir Rannsóknavogina, sem er könnun send til íslenskra fyrirtækja og stofnana um rannsókna- og þróunarstarfsemi þeirra. Hafa þátttakendur í úrtakinu að þessu sinni fengið tölvupóst með beiðni um þátttöku. Þátttakendur eru hvattir til að hafa samband við starfsfólk Rannís ef nánari skýringa er óskað um tilgang og innihald könnunarinnar.