Forsíðufréttir

Fimmtudaginn 21. janúar 2010 mun RANNÍS standa fyrir námskeiði í fjármálastjórnun Evrópuverkefna. Leiðbeinendur á námskeiðinu verða Simon Walker og John Stringer frá ráðgjafarfyrirtækinu Berkley Associates. Námskeiðið fer fram á Grand hóteli Reykjavík, Sigtúni 38, milli kl. 9.00 og 17.00. 

Skrifstofan verður opin frá kl. 9:00 - 12:00 og 12:30 - 16:00, 28. - 30. desember.

Lokað verður á aðfangadag og gamlársdag.

Nýja tölfræði um doktorsmenntun er nú að finna í Norbal gagnabankanum.  Þar gefur að líta tölfræði um útskrifaða doktora og doktorsnema á Norðurlöndunum og í Eystrasaltslöndunum.  Rannís hafði umsjón með gagnasöfnun um útskriftir Íslendinga frá íslenskum og erlendum háskólum og doktorsnemum í íslenskum háskólum. 

Öndvegisrannsóknaráætlunin (Topforskningsinitiativet- TFI) er samnorrænt átak sem snýr að loftslagi, umhverfi og orku. Markmiðið er að með því að gera bæði rannsóknastofnanir og atvinnulíf þátttakendur, og með því að tengja þá bestu á sínu sviði saman, geti Norðurlöndin lagt sitt af mörkum við að leysa loftlagsvanda heimsins. Nokkrir umsóknarfrestir eru í byrjun árs.

Alls bárust 105 umsóknir í Tækniþróunarsjóð nú í haust. Stjórn sjóðsins ákvað á fundi sínum 2. desember 2009 að bjóða 28 verkefnisstjórum að ganga til samninga.

Mennta- og menningarmálaráðuneytið með Vísinda- og tækniráði og Rannsóknastofu um háskóla stendur fyrir málfundum veturinn 2009 - 2010 um framtíð háskóla og rannsókna. Markmiðið er að vinna að sameiginlegum skilningi á aðstæðum háskóla og rannsóknastofnana í samfélagi okkar og móta sýn um uppbyggingu og samstarf menntunar og rannsókna í landinu. Fimmtudaginn 26. nóvember er hádegisfyrirlestur í Þjóðmenningarhúsinu. Föstudaginn 27. nóvember er fundur í Norræna húsinu um gæðaeftirlit kennslu og rannsókna í háskólum.

Norrænar öndvegisrannsóknir auglýsa eftir umsóknum á sviði loftslagsbreytinga og freðhvolfsins. Markmið rannsóknanna er að auka skilning á samspili loftslagsbreytinga og freðhvolfsins. Freðhvolfið er veigamikill hluti af Norðurlöndum en freðhvolf vísar til vatns í föstu formi, t.d. í freðmýrum og jöklum.

Rannís efndi til ráðstefna á Hótel Grand þriðjudaginn 3. nóvember 2009 til að kynna umræðu um árangur sem grundvöll fyrir fjármögnun vísinda. Gunnar Sivertsen, sérfræðingur  frá NIFU-STEP í Noregi, flutti erindi um „norska líkanið" sem hefur að markmiði að mynda grundvöll fyrir fjármögnun vísinda.  

Áskoranir hugvísinda verða til umræðu á ráðstefnu í Berlín 14. - 15. desember. Ráðstefnan er skipulögð af HERA sem er skammstöfun fyrir Humanities in the European Research Area. Meginverkefni HERA er að festa í sessi hugvísindi í Evrópska rannsóknasvæðinu og efla stöðu hugvísinda innan rammáætlunar Evrópusambandins.

Í tengslum við alþjóðlega ráðstefnu Norðurslóðaáætlunar 2007-2013  LAVA09 verða fjölbreytt verkefni sem Ísland tekur þátt í kynnt í Ráðhúsi Reykjavíkur. Opnunartími er 10. nóv. kl. 12:00 - 18:00 og 11. nóvember kl. 10:00 - 18:00 og er sýningin öllum opin. Verkefnin eru m.a. á sviðum viðbragða við loftslagsbreytingum, menningartengdrar ferðaþjónustu, heilsugæslu, fiskeldis, verslunar, veiða, handverks, viðbragða við stórslysum, almenningssamgangna, nýtingu trjáviðar, endurnýjanlegra orkugjafa, öldrunarþjónustu, vegagerðar  og  skapandi greina. Á hluta sýningarinnar verður  „lifandi vinnustofa" skapandi frumkvöðla sem leggja aukið gildi til valinna NPP verkefna.