Forsíðufréttir

Nýsköpun og hagsæld á Norðurlöndum og Eystrasaltsríkjum er viðfangsefni ráðstefnu norrænu ráðherranefndarinnar í Kaupmannahöfn 7. maí. Fjöldi fyrirlesara ræðir álitamál um nýsköpun og gert er ráð fyrir  allt að 400 gestum. Ókeypis er á ráðstefnuna en væntanlegir gestir skrái sig.

Nýsköpunarsjóði námsmanna bárust alls 316 umsóknir í ár. Stjórn sjóðsins ákvað að styrkja eftirtalin 86 verkefni (alls 274,5 mannmánuði).

Rannís efnir til kynningarfundar föstudaginn 24. apríl um styrki til heilbrigiðisvísinda sem bjóðast í 7. rannsóknaáætlun Evrópusambandsins. Fundurinn er á Grand hótel 24. apríl kl. 9:00 - 11:00.

Starfsnefndir Vísinda- og tækniráðs birta hér með tillögur að stefnu ráðsins fyrir árin 2009 til 2012. Nefndirnar hafa haft langtímauppbyggingu rannsókna og nýsköpunar að leiðarljósi í vinnu sinni. Þær munu skila tillögunum í hendur nýs Vísinda- og tækniráðs sem tekur við í vor. Nýja ráðið fær tillögurnar til umfjöllunar og notar við að móta stefnu sína.

Nefndirnar hafa unnið tillögurnar í víðtæku samráði og hafa meðal annars haldið þrjá opna fundi um stefnumótunina. Áhugasömum er hér með gefinn kostur á að gera athugasemdir við tillögurnar og nefndirnar munu taka mið af athugasemdunum við endanlegan frágáng tillagnanna.

Drögin að stefnu má finna hér.

Vinsamlega sendið athugasemdir í síðasta lagi mánudaginn 20. apríl á netfangið: sunna.vidarsdottir@mrn.stjr.is