Forsíðufréttir

Evrópska rannsóknastofnunin (European Science Foundation) í samvinnu við COST boðar til rannsóknaráðstefnu um þróunarkenningu Darwins undir yfirskriftinni Darwin and Evolution: Nature-Culture Interfaces. Ráðstefnan er haldin á Spáni 15-20 september í haust. Skilafrestur á umsókn og úrdrætti er 3. júlí.

Rannís auglýsir eftir umsóknum í EuroNanoMed samstarfsverkefni innan 7RÁ ESB.

Íslenskir verkefnahlutar verða styrktir af Tækniþróunarsjóði og skulu umsækjendur skila sérumsókn til Tækniþróunarsjóðs jafnframt umsókn í heildarverkefnið.  Umsóknafrestur Tækniþróunarsjóðs og EuroNanoMed er 1. September 2009.   EuroNanoMed er ERA-net samstamstarf rannsóknasjóða í Evrópu um að styrkja fjölþjóðleg samstarfsverkefni á sviði „nanomedicine".

Rannsóknaþing verður haldið 1. júlí kl. 9:00 á Grand hótel. Á þinginu verða jafnframt veitt hvatningarverðlaun Vísinda og tækniráðs. Dagskrá.

Stjórn Rannsóknarnámssjóðs hefur lokið við úthlutun til nýrra verkefna fyrir árið 2009; 94 milljónum króna var úthlutað til bæði doktors- og meistaraverkefna.

Alls bárust 109 umsóknir um almennan styrk úr Rannsóknarnámssjóði að þessu sinni og voru 25 þeirra styrktar eða 22,9% (fjöldi). Sótt var um röskar 563 milljónir króna en um 94 milljónum króna var veitt eða 16,8% (upphæð). Meðalupphæð umsókna var um 5,1 milljón króna en meðalupphæð styrkja nú er rétt um 3,8 milljónir króna.

Stjórn Tækniþróunarsjóðs ákvað á fundi sínum í dag 16. júní hvaða verkefnisstjórum er boðið til samninga um stuðning. Umsóknir voru óvenju margar að þessu sinni, um þreföldun, og því hefur ákvörðun um úthlutun tekið lengri tíma en áður.
Hér er listi yfir almenn verkefni sem hlutu stuðning og hér yfir öndvegisverkefni.

Vegna mikillar ásóknar í Nýsköpunarsjóð námsmanna í vor ákváðu Katrín Jakobsdóttir, ráðherra mennta- og menningarmála, og Katrín Júlíusdóttir iðnaðarráðherra, að veita samtals 15 milljónum króna til aukaúthlutunar úr sjóðnum. Um er að ræða fimm milljónir frá ráðuneyti mennta- og menningarmála og tíu milljónir frá iðnaðarráðuneyti. Markmiðið era að gefa fleiri háskólanemum möguleika á að stunda sumarvinnu við nýsköpun og rannsóknir.

Umsóknarfrestur fyrir aukaúthlutunina rann út 3. Júní sl. Alls bárust 250 umsóknir, en stjórn sjóðsins ákvað að styrkja 43 verkefni (17,2%). Alls 60 nemar munu vinna að verkefnunum og hljóta samtals 102 mannmánuði í styrk.

Styrkirnir eru eins og áður veittir til rannsóknar- og þróunarverkefna sem líkleg þykja til að stuðla að nýsköpun og auknum tengslum háskóla, stofnana og fyrirtækja. Umsóknir um styrki voru metnar með hliðsjón af möguleikum til hagnýtingar í atvinnulífi og nýnæmi fyrir þekkingu í viðkomandi fræðigrein.

Sjá hér úthlutun.

Með vísan til samþykktar Vísinda- og tækniráðs á vorfundi 2. júní 2008 skipaði forsætisráðherra þ. 5. september s.l. nefnd sem hafi forystu um gerð vegvísis um uppbyggingu innviða til rannsókna á Íslandi. Í nefndinni sitja Friðrika Harðardóttir tilnefnd af menntamálaráðuneyti (formaður), Ingileif Jónsdóttir, Jón Torfi Jónasson og Pétur Reimarsson tilnefnd af starfsnefndum Vísinda- og tækniráðs og Þorvaldur Finnbjörnsson tilnefndur af Rannís (tók við af Oddnýju Ósk Sverrisdóttur).