Forsíðufréttir

Vakin er athygli á breyttum umsóknarfresti í Rannsóknasjóð fyrir styrkárið 2011. Nýr umsóknarfrestur verður þriðjudaginn 1. júní 2010 en undanfarin ár hefur fresturinn verið 1. október (sá umsóknarfrestur fellur því niður við þessar breytingar). Reglur og leiðbeiðbeiningar til umsækjenda og umsóknareyðublað verður birt eigi síðar en 6 vikum fyrir auglýstan umsóknarfrest.

Mennta- og menningarmálaráðuneytið með Vísinda- og tækniráði og Rannsóknastofu um háskóla stendur fyrir málfundum veturinn 2009 - 2010 um framtíð háskóla og rannsókna.

Stjórn Rannsóknasjóðs hefur lokið við úthlutun til nýrra rannsóknaverkefna fyrir árið 2010; um 270 milljónum króna var úthlutað.

Auglýst er eftir umsóknum í Tækniþróunarsjóð. Umsóknarfrestur er til 15. febrúar 2010. Umsóknareyðublöð og nánari upplýsingar hér.

Auglýst er eftir umsóknum í Tækjasjóð. Umsóknarfrestur er til 1. mars 2010.

Auglýst er eftir umsóknum um rannsóknastyrki úr sjóði til minningar um Bjarna Benediktsson lagaprófessor og forsætisráðherra. Umsóknarfrestur er til 1. mars 2010.

Mennta- og menningarmálaráðuneytið hefur skipað nýja stjórn Rannsóknanámssjóðs. Skipunartími er 1. desember 2009 - 1. desember 2012. Hér er tengill í upplýsingar um skipun nýrrar stjórnar sjóðsins.

Kynning á tækifærum og styrkjum í Evrópusamstarfi verður haldin á Háskólatorgi fimmtudaginn 14. janúar 2010 kl. 15-18. Þar gefst færi á að hitta fulltrúa evrópskra samstarfsáætlana á Íslandi og kynna sér möguleika á styrkjum og samstarfi á öllum sviðum menntamála, rannsókna, vísinda, nýsköpunar, menningar og atvinnulífs.

Rannís og Nýsköpunarmiðstöð Íslands standa fyrir opnum kynningarfundi um Öndvegisrannsóknaráætlun Norðurlanda (Toppforskningsinitiativet) á sviði loftlags-, orku- og umhverfismála miðvikudaginn 13. janúar. Áætlunin er stærsta samnorræna átakið á þessu sviði nokkru sinni og eru umsóknarfrestir í febrúar og mars. Í áætluninni eru fólgin mikil tækifæri fyrir íslenskt vísindafólk á þessum sviðum. Kynningin er haldin á Grand Hótel Reykjavík kl. 14 - 15:30. Vinsamlegast tilkynnið þátttöku á kjartan@nmi.is.

Mennta- og menningarmálaráðuneytið með Vísinda- og tækniráði og Rannsóknastofu um háskóla stendur fyrir málfundum um framtíð háskóla og rannsókna. Markmiðið er að vinna að sameiginlegum skilningi á aðstæðum háskóla og rannsóknastofnana í samfélagi okkar og móta sýn um uppbyggingu og samstarf menntunar og rannsókna í landinu. Næsti fundur verður haldinn föstudaginn 15. janúar 13-16 í Norræna húsinu undir yfirskritinni Gæði og fjármögnun rannsókna.