Forsíðufréttir

Umsóknareyðublað fyrir Launasjóð fræðiritahöfunda er komið á vef Rannís. Umsóknarfrestur er 12. apríl nk. Hér eru tenglar í nánari upplýsingar um sjóðinn og í umsóknareyðublaðið.

Samkvæmt nýútgefinni tölfræði um rannsóknir og þróunarvinnu á Norðurlöndunum hefur orðið mikil aukning í útgjöldum til þessarar starfsemi frá árinu 2005.  Mesta aukningu í útgjöldum er að finna í Noregi eða um 12% á ári.  Á Íslandi hefur aukningin að jafnaði verið um 11% á ári, í Danmörku 8% og um 6% í Finnlandi og Svíþjóð.

Vaxtarsproti ársins verður valinn í fjórða sinn í apríl 2010. Vaxtarsprotinn, er samstarfsverkefni Samtaka iðnaðarins/SSP, Háskólans í Reykjavík og Rannsóknamiðstöðvar Íslands um val á vaxtarsprota ársins.  Tilgangur verkefnisins er að vekja athygli á góðum árangri sprotafyrirtækja í örum vexti og skapa þannig aukin áhuga og skilning á uppbyggingarstarfi þessara fyrirtækja. 

Vakin er athygli á breyttum umsóknarfresti í Rannsóknasjóð fyrir styrkárið 2011. Nýr umsóknarfrestur verður 1. júní 2010.

Út er komin Evrópska stigataflan um nýsköpun (European Innovation Scoreboard) sem greinir frá samanburði á frammistöðu aðildaþjóða Evrópusambandsins í nýsköpun auk Króatíu, Serbíu, Tyrklands, Íslands, Noregs og Sviss.  Ísland er í 14. sæti í hópi 33 landa í þessari nýjustu mælingu Evrópusambandsins. 

Út er komin tölfræði fyrir Rannsóknasjóð 2004-2010. Þar má nálgast upplýsingar um einstök styrkár sem og samantekt yfir starfstíma sjóðsins. Þá er í viðaukum einnig yfirlit yfir þá sem setið hafa í stjórn og fagráðum sjóðsins frá 2004. Úttektina má nálgast með því að smella hér.

Út er komin lokaskýrsla NordForsk NORIAnet Asia verkefnishóps um samstarf Norðurlandanna við Indland og Kína á sviði rannsókna. Hana má nálgast í .pdf formi hér . Markmið Asía NORIA-net verkefnisins var að greina þarfir og undirbúa formgerð fyrir sameiginleg rannsóknarverkefni Norðurlandanna í samstarfi við Asíuríki, með áherslu á Indland og Kína.

Frestur til að skila inn umsóknum í Rannsóknarnámsjóð rennur út 15. mars nk. kl. 16:00. Hlutverk sjóðsins er að veita styrki til rannsóknatengds framhaldsnáms við háskóla eða á ábyrgð háskóla í samvinnu við rannsóknastofnanir og fyrirtæki, bæði í námi á Íslandi og erlendis. Nánar um sjóðinn og umsóknareyðublöð HÉR.

Lýst er eftir umsóknum í EuroNanoMed, en það er ERA-NET sem veitir styrki til rannsóknasamstarfs á sviði örtækni á heilbrigðissviði. Katrín Valgeirsdóttir hefur umsjón með EuroNanoMed hjá Rannís. Nánar hér eða í netfangi katrin@rannis.is

Iðnaðarráðherra hefur skipað í stjórn Tækniþróunarsjóðs til ársloka 2012. Stjórnina skipa sjö einstaklingar til þriggja ára í senn. Stjórnarformaður er Hilmar Veigar Pétursson forstjóri CCP og er hann skipaður af iðnaðarráðherra. Aðrir fulltrúar í stjórn eru: