Forsíðufréttir

Matís hefur nýlega fengið úthlutun úr 7. rannsóknaáætlun ESB til að stýra tveimur stórum rannsóknaverkefnum. Rannís óskar Matís til hamingju með árangurinn. Nánar hér.

Rannís hefur gefið út samantektina Frammistaða Íslands í nýsköpun 2009 sem byggist á evrópsku stigatöflunni um nýsköpun (European Innovation Scoreboard - EIS) sem greinir frá samanburði á frammistöðu Evrópuþjóða í nýsköpun. Ritið má nálgast hér.

Í haust verður lýst eftir umsóknum um samstarfsnet á sviði rafrænnar stjórnsýslu milli Íslands, Svíþjóðar og Eistlands.

Stjórn Rannsóknarnámssjóðs hefur lokið við úthlutun fyrir árið 2010. Að þessu sinni var um 95 milljónum úthlutað til 26 verkefna. Listi yfir úthlutun hér.

Rannís hefur nýverið opnað fyrir Rannsóknavogina, sem er könnun send til íslenskra fyrirtækja og stofnana um rannsókna- og þróunarstarfsemi þeirra. Hafa þátttakendur í úrtakinu að þessu sinni fengið tölvupóst með beiðni um þátttöku. Þátttakendur eru hvattir til að hafa samband við starfsfólk Rannís ef nánari skýringa er óskað um tilgang og innihald könnunarinnar.

Fréttabréf Rannís fyrir júní eru komið út. Nálgast má fréttabréfið hér en einnig er tilvalið að skrá sig á útsendilistann hér.

Vísindavaka 2010 - stefnumót við fræðimenn verður haldin föstudaginn 24. september nk. í Listasafni Reykjavíkur. Stofnanir, háskólar og fyrirtæki sem hafa áhuga á að vera með sýningarbás á Vísindavökunni geta nálgast kynningarbréf og skráningarblað hér.

Rannís hefur gefið út skýrsluna Ritrýndar birtingar og áhrif þeirra - samantekt um árangur Íslands en í henni er stuðst við gögn og skýrslur norræns starfshóps um greiningu á eðli og fjölda ritrýndra birtinga á Norðurlöndum sem settur var saman fyrir tilstilli NordForsk í tengslum við NORIA-net Bibliometrics verkefnið.

Á vefsíðu DG Enterprise, sem fer m.a. með nýsköpunarmál hjá Evrópusambandinu, er stutt kvikmynd um árangur úr áætluninni BSR INNO - NET. Rannís tók þátt í verkefni innan BSR INNO-NET og sá meðal annars um uppbyggingu þekkingar og á rekstur sk. pilot klasa.

Rannís og iðnaðarráðuneytið kynntu úthlutun Tækniþróunarsjóðs til nýsköpunarverkefna fimmtudaginn 10. júní sl. í húsakynnum Marel í Garðabæ. Að þessu sinni veitir sjóðurinn um 400 milljónum króna til nýsköpunar og þróunar í fyrirtækjum sem má teljast mikilvæg innspýting beint inn í atvinnulífið í landinu.