Forsíðufréttir

Mánudaginn 4. október kl. 8:30-10:30 stendur Rannís fyrir kynningarfundi fyrir þá sem hafa áhuga á að kynna sér upplýsingatækniáætlun 7. rannsóknaáætlunarinnar. Morten Möller frá framkvæmdastjórn ESB kynnir áætlunina og þjónusta Rannís verður einnig kynnt. Fundurinn verður á Grand Hótel Reykjavík og er morgunmatur í boði fyrir gesti.

Hver eru sameiningartákn íslensku þjóðarinnar? Jón Karl Helgason bókmenntafræðingur verður gestur á Vísindakaffi í kvöld á Súfistanum, Máli og menningu Laugavegi. Einnig verða vísindakaffi á Akureyri, Skagaströnd og á Höfn í Hornafirði í kvöld. Nánar hér.

Nú er dagskrá Vísindakaffis Rannís komin á vefinn. Vísindakaffikvöldin eru haldin í tengslum við Vísindavöku 2010 - stefnumót við vísindamenn, sem haldin verður í Listasafni Reykjavíkur Hafnarhúsinu föstudaginn 24. sept. nk. í tilefni af Degi evrópska vísindamannsins. Látið Vísindakaffið og Vísindavökuna ekki framhjá ykkur fara! Dagskrá Vísindakaffisins hér.