Forsíðufréttir
18.3.2010
Skýrsla verkefnishóps NordForsk NORIAnet Asia
Út er komin lokaskýrsla NordForsk NORIAnet Asia verkefnishóps um samstarf Norðurlandanna við Indland og Kína á sviði rannsókna. Hana má nálgast í .pdf formi hér . Markmið Asía NORIA-net verkefnisins var að greina þarfir og undirbúa formgerð fyrir sameiginleg rannsóknarverkefni Norðurlandanna í samstarfi við Asíuríki, með áherslu á Indland og Kína.
Lokamarkmiðið var að koma á fót varanlegum grundvelli fyrir rannsóknasamstarfi milli áðurnefndra ríkja, fjármagnað af NordForsk og Vísinda- og tækniráðum Norðurlandanna. Ríkjandi staða á sviði rannsóknasamstarfs Norðurlandanna við Indland og Kína var metin og í kjölfarið voru framtíðartækfæri greind og tillögur um mögulegar leiðir til samstarfs lagðar fram.
Verkefnið var til tveggja ára og fjármagnað af NordForsk og verkefnisstjórn var í höndum Finnlands Akademíu. Verkefnið er samstarfsverkefni Norðurlandanna og eru eftirfarandi stofnanir þátttakendur:
- Finnlands Akademía Academy of Finland (AoF);
- Norska rannsóknaráðið Research Council of Norway (RCN);
- Sænska atvinnu- og félagsráðið Swedish Council for Working Life and Social Research (FAS);
- Rannsóknamiðstöð Íslands Icelandic Centre for Research (Rannis);
- Danska vísinda, tækni og nýsköpunarstofnunin Danish Agency of Science, Technology and Innovation(DASTI)
Leit
English
Samskipti
Rannsóknamiðstöð Íslands - Rannís • Laugavegi 13 • 101 Reykjavík • Sími 515 5800 • Fax 552 9814 • kt. 531094-2129 • rannis@rannis.is
