Forsíðufréttir

Fyrsta ráðstefna í ráðstefnuröð NORIA-nets NIRPA var haldin í Stokkhólmi 7. og 8. þessa mánaðar. Viðfangsefni ráðstefnunnar var hnattvæðing og stefnumótun á sviði rannsókna út frá norrænu sjónarhorni.

NORIA-net NIRPA er verkefni á vegum NordForsk og er verkefnisstjórn er í höndum Sænska Rannsóknaráðsins. NORIA-net NIRPA er ætlað að kanna leiðir til að fylgjast með, greina og túlka hnattræna þróun og strauma á sviði rannsóknarstefnumótunar með það að markmiði að auka færni Norrænna rannsókna-, og stefnumótunaraðila í ört breytilegu, hnattrænu umhverfi.