Forsíðufréttir

Rannís og Rannsóknasjóður hafa hlotið 110 milljóna króna styrk úr Rannsóknaáætlun Evrópusambandsins. Féð verður nýtt til að fjármagna rannsóknastöðustyrki í samstarfi við stofnanir eða fyrirtæki hér á landi.

Styrkirnir eru ætlaðir þeim sem hafa lokið doktorsprófi á síðastliðnum fimm árum. Framlagið gerir sjóðnum kleift að veita fleiri nýdoktorum tækifæri til að hasla sér völl í rannsóknum auk þess sem styrkirnir munu stækka umtalsvert frá því sem nú er. Framlag Evrópusambandsins hljóðar upp á 700 þús. evrur, sem er um þriðjungur af því sem til úthlutunar verður á tveggja ára tímabili, en auglýst verður eftir umsóknum á árunum 2011 og 2012. Ljóst er að framlag ESB verður mikil lyftistöng fyrir starfsumhverfi og atvinnumöguleika efnilegs vísindafólks hér Íslandi. Styrkurinn kemur úr mannauðsáætlun 7. rannsóknaáætlunar ESB. Umsýsla styrkjanna verður í höndum Rannís.