Forsíðufréttir

Rannís óskar eftir sérfræðingi í fullt starf á sviði nýsköpunar- og tækniþróunar. Starfið felst í þjónustu við umsækjendur og styrkþega Tækniþróunarsjóðs og nýsköpunarfyrirtækja vegna skattívilnana.

Miðlun upplýsinga og uppfærsla handbóka, úrvinnsla gagna, skipulagning funda sem og þátttaka í kynningarstarfi og öðrum tilfallandi verkefnum.

Menntunar- og hæfniskröfur:

• Meistarapróf á sviði verkfræði eða raungreina er æskilegt
• Starfsreynsla innan nýsköpunarfyrirtækja er kostur
• Reynsla af rannsóknum er æskileg
• Reynsla af alþjóðasamstarfi er kostur
• Metnaður til að ná árangri í starfi með því að veita góða þjónustu, sýna vönduð vinnubrögð og frumkvæði
• Góð íslenskukunnátta, færni í ensku og að minnsta kosti einu Norðurlandamáli

Upplýsingar um starfið veitir Sigurður Björnsson, sviðsstjóri nýsköpunar- og tækniþróunar. Sími 515 5800 eða sigurdur@rannis.is.

Umsóknarfrestur er til og með 12. september 2010.

Umsækjendur sendi rafræna umsókn með ferilskrá ásamt afriti af prófskírteini til Herdísar Þorgrímsdóttur, sviðsstjóra stjórnsýslu, herdis@rannis.is. Í efnislínu tölvupósts skal heiti umsóknar koma fram: Starfsumsókn nýsköpun og tækniþróun.

Við ráðningu í starfið verður tekið mið af jafnréttisáætlun Rannís. Laun greiðast samkvæmt viðeigandi kjarasamningi við Fjármálaráðuneytið.

Öllum umsóknum verður svarað þegar ákvörðun hefur verið tekin um ráðningu.