Rannís

Evrópusambandið auglýsir eftir umsóknum í áætlun um örtækni, efnistækni og nýja framleiðslutækni.

Evrópusambandið hefur opnað fyrir umsóknir í þriðja kall áætlunar um matvæli, landbúnað, sjávarútveg og líftækni. Umsóknarfrestur er til 26. febrúar 2008.

Evrópusambandið auglýsir eftir umsóknum í Mannauðsáætlun 7.RÁ. Opið er fyrir umsóknir í verkefni með samstarfi háskóla og fyrirtækja (IAPP), verkefni er lúta að starfsmannaskiptum (IRSES), og umsóknir um heimkomustyrki (ERG/IRG).

Í samráði við nefnd á vegum ráðuneyta iðnaðar, heilbrigðismála og menntamála um nýsköpun í tengslum við heilbrigðisþjónustuna boðar RANNÍS til morgunverðarfundar þriðjudaginn 4. desember, n.k. kl 8:15- 10:00 á Grand Hótel.

Boðað er til opins kynningarfundar um Eurostars, nýjan möguleika á fjármögnun verkefna sprotafyrirtækja sem stunda rannsóknir og þróun. Fundurinn verður þriðjudaginn 27. nóvember kl. 8:30 - 10:00 í Húsi atvinnulífsins.

Stjórn Tækniþróunarsjóðs hefur ákveðið að bjóða  verkefnisstjórum 14 verkefna til samninga um stuðning.

Alls bárust 39 umsóknir og sótt var um 285 m. kr. fyrir fyrsta ár. Hægt er að sækja um verkefnisstyrki til allt að 3ja ára. Til ráðstöfunar eru 111 m.kr fyrir ný verkefni að þessu sinni.

Verkefnisstjórar þessara 14 verkefna eru sex konur og átta karlar, og koma sjö þeirra frá fyrirtækjum, sex frá rannsóknastofnunum og einn frá háskóla, Listaháskóla Íslands. 

Sjóðnum bárust margar umsóknir sem fjárhagslegt bolmagn sjóðsins leyfði ekki stuðning við.

Minningarfyrirlestur Vilhjálms Stefánssonar 2007 verður haldinn þann 7. nóvember næstkomandi. Að þessu sinni mun Dr Astrid Ogilvie, veðurfarssagnfræðingur við Institute of Arctic and Alpine Research í Boulder, Colorado, flytja fyrirlesturinn. Efnið er loftslag, saga og mannvistfræði á norðanverðu Íslandi í ljósi þverfaglegra rannsókna. Erindið nefnist á ensku: ,,Interdisciplinary Explorations in the Climate, History and Human Ecology of Northern Iceland." Stofnun Vilhjálms Stefánssonar boðar að venju til fyrirlestursins og að þessu sinni í samstarfi við Háskólann á Akureyri og Rannís. Viðburðurinn er liður í framlagi stofnananna til Alþjóða heimskautaársins. Fyrirlesturinn hefst kl 12:15 (stofu L201 í húsnæði Háskólans á Akureyri að Sólborg).

Þann 19. október var birt auglýsing um umsóknir í áætlunina samhæfing rannsókna. Umsóknarfrestur er til 6. mars 2008, kl. 17.00 á Brusseltíma.

Rannsóknarráð Evrópu (ERC) hefur gefið út fréttatilkynningu vegna niðurstöðu úr fyrsta áfanga umsókna um upphafsstyrk (ERC starting independent grant) í áætlun Evrópusambandsins um hugmyndir (IDEAS).

Rannís efndi til Vísindavöku í þriðja sinn á degi vísindamanna föstudaginn 28. september. Vakan var haldin í Listasafni Reykjavíkur, Hafnarhúsi, og stóð fram á kvöld. Tæplega 1400 gestir heimsóttu vökuna til að fræðast og skemmta sér í leiðinni. Alls var boðið upp á 50 atriði á vökunni og hefur hún aldrei verið með jafn stórri dagskrá. Meðal gesta voru fulltrúar frá vísindahátíðinni í Perugia á Ítalíu.

Össur Skarphéðinsson iðnaðarráðherra setti hátíðina og í framhaldi voru veitt verðlaun í teiknimyndasamkeppni 9 - 11 ára barna. Ari Trausti Guðmundsson jarðfræðingur veitti viðtöku verðlaunum fyrir framlag sitt til vísindamiðlunar.