Rannís

Ísland hefur gerst aðili að EMBL, sameindalíffræðistofnun Evrópu.  EMBL býður upp á doktorsnám í sameindalíffræði og geta Íslendingar nú sótt um námsdvöl við stofnunina.

Málþing um rafrænt  eftirlit á vinnustöðum verður haldið á Grand Hótel á morgun 17. nóvember kl. 8:30 - 10:30. Gerð verður grein fyrir nýrri rannsókn sem Vinnueftirlitið vann í samstarfi við Landlæknisembættið, Verzlunarmannafélag Reykjavíkur og Rafiðnaðarsamband Íslands.

Fyrsta tölublað Rannísblaðsins kom út 14. október þar sem fjallað var um vísindi og rannsóknir á Íslandi. Blaðið var unnið í samtarfi við háskóla, rannsóknastofnanir og aðra sem starfa að rannsóknum og þróun.

Fyrirhugað er að Rannísblaðið komi út tvisvar á ári, vor og haust.

Sjá pdf-útgáfu af Rannísblaðinu.

Hlutur kvenna í stjórnum sjóða í umsýslu Rannís er að meðaltali 42 prósent. Hlutfall kvenna í fagráðum Tækniþróunarsjóðs og Rannsóknasjóðs er að meðaltali 32 prósent. Í töflunni hér að neðan kemur m.a. fram að hlutfall kvenna er heldur lægra í fagráðum Tækniþróunarsjóðs en Rannsóknasjóðs. Það fagráð sem hefur lægst hlutfall kvenna er þó fagráð Rannsóknasjóðs í verkfræði, tækni- og raunvísindum með 14 prósent.

Rannísblaðið, sem dreift var með Morgunblaðinu 14. október, er komið á pdf-skjal sem hægt er að nálgast hér.

Vísinda- og tækniráði bárust 35 tillögur um nýja markáætlun frá vísinda- og tæknisamfélaginu. Skilafrestur var 1. september.
Með markáætlun í rannsóknum og tækniþróun er átt við tímabundna ráðstöfun fjár með skýrum markmiðum. Vísinda- og tækniráð óskaði eftir tillögum um nýja fimm ára markáætlun um uppbyggingu þekkingar og aðstöðu á rannsóknasviðum (vísinda og tækni) sem talin eru geta skipt miklu máli fyrir íslenskt samfélag á komandi árum.

Flestar tillögur komu frá heilbrigðis- og lífvísindum og næst flestar frá náttúru- og umhverfisvísindum. Tillögur komu einnig frá félagsvísindum, hugvísindum, verkfræði og tækni og sjávarútvegi.

Þann 9. september verður haldinn fundur á Grand Hotel Reykjavik um hreinlæti í mjólkuriðnaði. Rannsóknastofnun fiskiðnaðarins skipuleggur þennan fund í samvinnu við VTT Biotechnology í Finnlandi.  Fundurinn er styrktur af Nordic Innovation Centre, Samtökum afurðastöðva í mjólkuriðnaði og Framleiðnisjóð landbúnaðarins.

Alls bárust 35 tillögur um nýja markáætlun sem Vísinda- og tækniráð auglýsti eftir með skilafresti til 1. september. Flestar tillögur komu frá heilbrigðis- og lífvísindum annars vegar og hins vegar náttúru- og raunvísindum. Tillögur komu einnig frá hugvísindum, félagsvísindum, verkfræði- og tækni og sjávarútvegi.

Í ályktun Vísinda- og tækniráðs þann 8. júní 2004 fól ráðið starfsnefndum sínum að leggja fram á næsta fundi þess tillögu um nýja fimm ára markáætlun um uppbyggingu þekkingar og aðstöðu á rannsóknasviðum (vísinda og tækni) sem talin eru geta skipt miklu máli fyrir íslenskt samfélag á komandi árum. Með markáætlun í rannsóknum og tækniþróun er átt við tímabundna ráðstöfun fjár með skýrum markmiðum. Í samræmi við þessa samþykkt ráðsins er hér með lýst eftir hugmyndum frá vísindasamfélagi og atvinnulífi um nýja markáætlun er taki við af markáætlun um upplýsingatækni og umhverfisrannsóknir sem lýkur á árinu 2004.

Mary Harney, aðstoðarforsætisráðherra Írlands sem fer með málefni vísinda og tækni þar í landi verður í opinberri heimsókn dagana 15. og 16. júlí n.k. Mary Harney er í boði menntamálaráðherra Þorgerðar Katrínar Gunnarsdóttur og iðnaðar- og viðskiptaráðherra Valgerðar Sverrisdóttur. Mary Harney mun vera með fyrirlestur og segja frá skipulagi stefnumótunar á sviði vísinda og tækni á Írlandi og fjalla um helstu atriði í stefnu ríkisstjórnarinnar á Írlandi.
Fyrirlesturinn verður haldinn í Þjóðmenningarhúsinu fimmtudaginn 15. júli n.k., kl 16:00-17:00.
                  Fyrirlesturinn er öllum opinn.