Aðrir sjóðir

Stjórn Launasjóðs fræðirithöfunda úthlutaði sjö umsækjendum starfslaunum fyrir árið 2004. Alls bárust sjóðnum 48 umsóknir. Starfslaunin eru til sex mánaða.

Lokið er  allviðamiklu samstarfsverkefni nokkurra ríkisstofnana og fyrirtækja í einkaeigu við að byggja frumgerð að tölvukerfi sem nefnist “Samræmdur gagnagrunnur um náttúru Íslands”. Kerfið gerir fjölbreytt gögn um eðli íslenskrar náttúru á landi, sjó og vatni aðgengilegri en áður og er bæði miðað við þarfir almennings og sérfræðinga. Einnig geta fyrirtæki og stofnanir nýtt sér kerfið við áætlanir, skipulag og aðrar ákvarðanir sem byggja á náttúrufarsupplýsingum.

Stjórn Tækjasjóðs samþykkti á fundi sínum 29. mars að úthluta allt að 166,5 m.kr. til 45 verkefna.
Hlutverk Tækjasjóðs er að veita rannsóknastofnunum styrki til kaupa á dýrum tækjum og búnaði til rannsókna. Við úthlutun úr Tækjasjóði skal taka mið af úthlutunarstefnu Rannsóknasjóðs á hverjum tíma.

Frá árinu 1999 hefur verið unnið að verkefninu Miðlun menningarsögulegra upplýsinga, sem styrkt var af markáætlun Rannís um upplýsingatækni og umhverfismál. Markmið verkefnisins var annarsvegar að þróa gagnakerfi um staðbundnar menningarsögulegar upplýsingar þannig að hægt væri að miðla upplýsingum úr miðlægum gagnagrunni um veraldarvefninn, og hinsvegar að miðla upplýsingunum á þann hátt að þær mættu nýtast sem flestum og verða til þess að auka vægi menningarferðaþjónustu, efla atvinnulífið, sérstaklega í dreifbýli og styrkja nám í samfélagsgreinum.

IT-Ísland efh. hefur lokið við að þróa hugbúnað til tímabókana á Internetinu.  Hugbúnaðurinn sem kallast Netbókunarkerfið er ætlaður þjónustufyrirtækjum sem vilja auka þjónustu við viðskiptavini sína, auka hagræðingu og skilvirkni í rekstri.  Netbókunarkerfið nýtist þjónustufyrirtækjunum einnig sem öflugt tól til að halda utan um tímabókanir hvernig sem þær berast.

Rannsóknastofnun byggingariðnaðarins hefur lokið rannsóknaverkefninu ,,Verklýsingar í byggingariðnaði ný aðferð með notkun upplýsingatækni”. Verkefnið, sem styrkt var af Rannís í markáætlun um upplýsingatækni og umhverfismál um 6,5 m. kr. hafði að markmiði að þróa samþáttað rammakerfi og hugbúnað til að byggja staðlað verklýsingasafn fyrir íslenskan byggingariðnað.

Markáætlun um upplýsingatækni og umhverfismál.     Verkefninu lauk 2003

Námsgagnastofnun, Listasafn Íslands, Næst ehf., Kennaraháskóli Íslands og Ásthildur B. Jónsdóttir fengu úthlutað árin 2001 og 2002 styrk frá Rannís til að gera Kennsluvef um íslenska myndlist. Gerðir voru tveir námsvefir, annar ætlaður yngsta stigi grunnskóla en hinn mið- og unglingastigi.

Markáætlun um upplýsingatækni og umhverfismál
Fréttatilkynning verkefnisstjóra
Verkefninu lauk 2003

Hugvísindastofnun Háskóla Íslands hefur, í samstarfi við Stofnun Sigurðar Nordals, íslenskuskor og Wisconsin-háskóla, unnið í tvö ár að verkefninu "Vefsetur um íslenskt mál og menningu" sem felst í þróun gagnvirks námsefnis í íslensku fyrir útlendinga.

Hægt er að skoða sýnidæmi á slóðinni  http://www.icelandic.hi.is/demo.

Úr markáætlun um umhverfismál og upplýsingatækni var úthlutað 63 m.kr. þar af 45,2 m.kr. til verkefna á sviði upplýsingatækni og 18,5 m.kr. til umhverfisrannsókna.

Úthlutun úr markáætlun Rannís um umhverfismál og upplýsingatækni verður kynnt um miðjan júní.