Aðrir sjóðir

Auglýst hefur verið eftir umsóknum um Bjarna Benediktssonar styrki til rannsókna í hag- og stjórnmálasögu 20. aldar og í stjórnsýslu- og stjórnskipunarrétti. Frestur til að skila umsóknum rennur út 1. febrúar 2008. Nánari upplýsingar hér.

Á fundi þjónustuhóps Stjórnvísis, föstudaginn 7. des., voru fyrstu niðurstöður í samnorræna verkefninu ServINNo kynntar.  Þar kom meðal annars fram að mikil nýsköpun á sér stað meðal íslenskra þjónustufyrirtækja og þá helst meðal fyrirtækja í fjarskiptageiranum (86% fyrirtækja stunda nýsköpun) og í upplýsingatækni (91%).  Íslensk þjónustufyrirtæki stunda jafnmikla og gjarnan meiri nýsköpun en sambærileg fyrirtæki á Norðurlöndunum, minnsta nýsköpun er að finna innan norskra fyrirtækja. 

Vel mætt á Eurostars fund.  Tæplega fjörutíu  mættu á kynningarfund um Eurostars í morgun þar sem kynntur var nýr möguleiki á fjármögnun sprotafyrirtækja sem stunda sjálf rannsóknir og þróun.

Meðfylgjandi eru glærur frá kynningarfundinum. 

Eurostars áætlunin

Hvernig skrifa skal umsókn

Ný fjármögnun fyrir sprotafyrirtæki

Rannsóknasjóður styrkti verkefnið.
Verkefnisstjóri var Gunnþórunn Guðmundsdóttir.

Út er komið fyrsta fréttabréf verkefnisins ServINNo sem fjallar um nýsköpun í þjónustu á Norðurlöndunum (Service Innovation in the Nordic Countires: Key Factors for Policy Design).  Í fréttabréfinu, sem sækja má hér, má m.a. finna samanburð á umfangi nýsköpunarstarfs þjónustufyrirtækja á Íslandi og grannþjóða okkar.  Meginmarkmið verkefnisins er að koma auga á stefnumótun sem þegar er til staðar og ýtir undir nýsköpun í þjónustu en einnig að benda á þau svið sem tengjast þjónustu og leggja þarf áherslu á í framtíðarstefnumótun.

Á Vísindavöku Rannís, föstudaginn 28. september, voru öðru sinni veitt verðlaun fyrir framlag til vísindamiðlunar. Markmiðið með verðlaununum er að vekja athygli á mikilvægi þess að miðla þekkingu á vísindum og vísindastarfi til samfélagsins og styðja við þá sem sýnt hafa frukvæði og verið í fararbroddi við miðlun vísinda. Við mat á tilnefningum til verðlaunanna var tekið tillit til brautryðjendastarfs, fumleika og árangurs og vísindamiðlunar.

Stjórn markáætlunar um erfðafræði í þágu heilbrigðis og örtækni ákvað á fundi þann 18. september síðastliðinn að styrkja 14 verkefni til þriggja ára. Gengið verður til samninga við verkefnisstjóra viðkomandi verkefna. 

 

Kynningar vegna umsókna fyrir styrkárið 2008.

Rannsóknamiðstöð Íslands stendur fyrir ítarlegum kynningum á Rannsóknasjóði og Tækjasjóði dagana 6. og 7. september í Reykjavík og á Akureyri. Eiríkur Smári Sigurðarson og Anna Kristín Daníelsdóttir munu kynna sjóðina og hlutverk þeirra.

Íslendingar vörðu um 28 milljörðum króna til rannsókna og þróunar árið 2005.  Aukning í krónum frá árinu 2003 er 4 milljarðar eða um 16%.  Verg landsframleiðsla jókst á sama tíma um 20%.  Stærstum hluta var varið til heilbrigðismála eða um 9,6 milljörðum króna.  Til samanburðar var um 11% varið til fiskveiða og landbúnaðar eða um 3,1 milljarði króna.  Þessa tölfræði og fleiri upplýsingar má finna í nýútkomnu hefti RANNÍS um rannsóknir og þróun á Íslandi.