Rannís

Vísindamenn við Háskólann í Reykjavík, Háskóla Íslands og Landspítala háskólasjúkrahús boða til málþings í Háskólanum í Reykjavík fimmtudaginn 29. mars kl. 14:00., þar sem rætt verður hvernig beri að útdeila því fé sem veitt er til vísindarannsókna.

Fjárfesting í vísindum er arðbær, en það er erfitt að sjá fyrir hvar arðurinn verði mestur. Á Íslandi eru vísindi styrkt að meginhluta með beinum fjárframlögum til stofnana í stað styrkja úr samkeppnissjóðum. Þetta er gjörólíkt þeim löndum sem best standa sig í vísindum, þróun og nýsköpun, svo sem Bandaríkjunum og Finnlandi. Á málþinginu verður spurt hvernig eigi að útdeila því fé sem sett er í rannsóknir, og stjórnmálamenn einnig spurðir hvort þeir telji að auka eigi framlög í samkeppnissjóði.

DAGSKRÁ:
14:00-14:15     Setning: Geir Haarde, forsætisráðherra og formaður Vísinda- og tækniráðs
14:15-15:00     Rannsóknir og háskólar - grundvöllur framfara Inga Dóra Sigfúsdóttir, deildarforseti Kennslufræði- og lýðheilsudeildar Háskólans í Reykjavík
Hvernig eigum við að fjármagna vísindastarf á Íslandi?
Magnús Karl Magnússon, læknir, Landspítala Háskólasjúkrahúsi
15:00-15:45     Uppbygging öndvegisseturs - Hlutverk fjármögnunar samkeppnissjóða. Mogens Nielsen prófessor, stjórnarformaður Basic Research in Computer Science (BRICS) í Álaborg, stjórnarmaður í danska "Grundforskningsfonden" og fulltrúi Danmerkur í "Ideas Programme Committee" hjá Evrópska Rannsóknaráðinu.
16:00-17:00     Pallborð: Fulltrúar stjórnamálaflokka
Stjórnandi: Einar Steingrímsson, prófessor í stærðfræði við HR  

17:00-18:00     Léttar veitingar í boði Háskólans í Reykjavík

STAÐUR: Háskólinn í Reykjavík, Ofanleiti 2, stofa 101

STUND: Fimmtudagur, 29. mars, kl. 14:00-17:00

Vinsamlega tilkynnið þátttöku til Guðrúnar Elvu í síma 599-6200 eða á netfangið gudrunej@ru.is