Yfir eitt þúsund einstaklingar í nám og þjálfun erlendis með styrk frá Erasmus+
Rannís hefur úthlutað náms- og þjálfunarstyrkjum árið 2015 úr menntahluta Erasmus+ áætlunar ESB. Yfir eitt þúsund einstaklingar njóta góðs af styrkjunum að þessu sinni. Það er 30% aukning frá síðasta ári.
Ríflega 400 m.kr. var úthlutað til 39 verkefna með þátttöku nærri eitt hundrað skóla, fyrirtækja og stofnana, en eftirspurn var næstum tvöföld.
Að þessu sinni var hæstum styrkjum úthlutað til Háskóla Íslands, Listaháskóla Íslands, Háskólans í Reykjavík, Tækniskólans og Iðunnar fræðsluseturs. Þessi verkefni gefa nemendum og starfsfólki skóla á öllum skólastigum, fræðslustofnana og fyrirtækja tækifæri til að taka hluta af námi eða sinna starfsþjálfun í 33 löndum í Evrópu.
Íslenskir háskólar geta í fyrsta sinn fengið styrki til stúdenta- og starfsmannaskipta til landa utan Evrópu. Úthlutað var ríflega 30 m.kr. til slíkra verkefna sem fela meðal annars í sér samstarf við Armeníu, Ísrael, Bandaríkin og Kína.
Sveitarfélögum bauðst í fyrsta sinn að sækja um styrki fyrir hönd eigin skólastofnana og nýttu sér það vel. Af 40 umsóknum í skólahluta voru 5 frá sveitarfélögum með þátttöku um 50 leik- og grunnskóla.
Markmið Erasmus+ áætlunarinnar eru m.a. að styðja verkefni sem miða að því að efla grunnþætti eins og læsi og stærðfræði, ýta undir sköpunargáfu og frumkvæði nemenda, vinna gegn brotthvarfi, innleiða upplýsingatækni og almennt efla gæði í menntun á öllum skólastigum og í atvinnulífi.
Starfsfólk mennta- og menningarsviðs Rannís veitir allar nánari upplýsingar um úthlutunina og um Erasmus+ áætlunina. Netfangið er andres@rannis.is og símanúmerið 699 2522.
Eftirtaldir aðilar hlutu styrk að þessu sinni:
Háskólar
Háskólinn á Akureyri, Háskólinn á Bifröst, Háskóli Íslands, Háskólinn í Reykjavík, Háskólinn á Hólum, Landbúnaðarháskóli Íslands á Hvanneyri og Listaháskóli Íslands fá samtals 1.600.000 evrur í hefðbundin nemenda og starfsmannaskipti. Þar að auki var í fyrsta skipti úthlutað úr svokölluðum ,,alþjóðlegum“ hluta Erasmus+ . Í þeim flokki var háskólunum úthlutað 224.366 evrum í verkefni til að styrkja tengsl við háskóla utan Evrópu.
Styrkþegi | Heiti verkefnis | Styrkupphæð |
Háskóli Íslands | Stúdenta- og starfsmannaskipti | 782.109 € |
Listaháskóli Íslands | Stúdenta- og starfsmannaskipti | 287.426 € |
Háskólinn í Reykjavík | Stúdenta- og starfsmannaskipti | 252.975 € |
Háskólinn á Bifröst | Stúdenta- og starfsmannaskipti | 163.476 € |
Háskólinn á Akureyri | Stúdenta- og starfsmannaskipti | 52.064 € |
Landbúnaðarháskóli Íslands | Stúdenta- og starfsmannaskipti | 36.213 € |
Háskólinn á Hólum | Stúdenta- og starfsmannaskipti | 25.737 € |
Samtals | 1.600.000 € |
Styrkþegi | Heiti verkefnis | Styrkupphæð |
Háskóli Íslands | Alþjóðasamstarf utan Evrópu | 59.216 € |
Listaháskóli Íslands | Alþjóðasamstarf utan Evrópu | 89.620 € |
Háskólinn á Akureyri | Alþjóðasamstarf utan Evrópu | 31.890 € |
Háskólinn í Reykjavík | Alþjóðasamstarf utan Evrópu | 28.340 € |
Háskólinn á Hólum | Alþjóðasamstarf utan Evrópu | 15.300 € |
Samtals | 224.366 € |
Leik-, grunn- og framhaldsskólar
Skólar á leik-, grunn- og framhaldsskólastigi hlutu samtals 311.456 evrur. Eftirtaldir skólar og fræðsluaðilar hlutu styrki:
Styrkþegi | Heiti verkefnis | Styrkupphæð |
Brekkubæjarskóli | Málauðugt umhverfi í daglegu starfi | 13.800 € |
Brekkuskóli | Starfsþróun og menntun kennara í Brekkuskóla | 27.050 € |
Flúðaskóli | Heimskt er heimaalið barn | 17.990 € |
Geislabaugur | Uppeldisfræðilegar skráningar | 13.260 € |
Hlíðaskóli | Upplýsingatækniþjálfun í Hlíðaskóla | 4.530 € |
Kópavogsbær | Spjaldtölvur við kennslu | 32.720 € |
Leikskólinn Reynisholt | Að lesa og leika list er góð | 8.940 € |
Leikskólinn Jötunheimar | Aukin samskiptafærni, skilningur á fjölmenningu og þekking á verkefnastjórnun | 4.180 € |
Lundarskóli | Endurmenntun kennara og stjórnenda | 4.140 € |
Menntaskólinn á Tröllaskaga | Skapandi lausnir í skólastarfi | 10.980 € |
Menntaskólinn við Sund | Starfsþróun í gegnum aukna félagslega hæfni | 18.040 € |
Oddeyrarskóli | Starfsþróun kennara og stjórnenda í Oddeyrarskóla | 15.870 € |
Reykjavíkurborg- Skóla og frístundasvið | Útikennsla í leikskólum | 49.780 € |
Skólaþjónusta Árborgar | Nám, störf og lærdómssamfélag | 29.040 € |
Sveitarfélagið Skagafjörður | Innra og ytra mat í leik- og grunnskólum í Skagafirði | 22.860 € |
Sæmundarskóli | Námskeið fyrir enskukennara í Skotlandi | 4.650 € |
Vatnsendaskóli | Netnám í grunnskóla | 11.400 € |
Verkmenntaskólinn á Akureyri | Samþætting menntunar | 9.300 € |
Verzlunarskóli Íslands | Starfsþjálfun kennara | 12.926 € |
Samtals | 311.456 € |
Starfsmenntun
Skólar og fræðsluaðilar sem bjóða upp á starfsmenntun hlutu samtals 580.633 evrur í styrki. Eftirtaldir aðilar fengu styrki:
Styrkþegi | Heiti verkefnis | Styrkupphæð |
Fjölbrautaskóli Vesturlands | Tækniframfarir í málmiðnaði | 3.580 € |
Fjölbrautaskólinn í Breiðholti | Aukin gæði í starfsnámi með notkun samræmdra evrópskra eininga | 44.416 € |
Fræðslunetið - símenntun á Suðurlandi | Þróun framhaldsnáms fyrir hestamenn í tamningum, járningum og hófhirðu | 9.150 € |
IÐAN fræðslusetur ehf. | Starfnáms nemenda í löggiltum iðngreinum II | 142.400 € |
Menntaskólinn a Ísafirði | Innsýn í starfsgreinar, hæfni og hefðir í starfsmenntun í norður Evrópu | 20.342 € |
Myndlistarskólinn í Reykjavik | Nýjungar í efnum og aðferðum inn Evrópu | 86.753 € |
Tækniskólinn - skóli atvinnulífsins | Árangursríkt samstarf | 146.718 € |
Verkmenntaskólinn á Akureyri | Starfsþjálfun nemenda og kennara í VMA | 127.274 € |
Samtals | 580.633 € |
Fullorðinsfræðsla
Eftirtaldir aðilar innan fullorðinsfræðslugeirans hlutu samtals 53.320 evrur í styrki:
Styrkþegi | Heiti verkefnis | Styrkupphæð |
Áskorun ehf | Starfsþjálfun starfsmanna Áskorunar | 1.690 € |
Eyþing samband sveitarfélaga/Menningarráð Eyþings | Sjálfboðaliðastarf og áhugamenn í listum og menningu | 6.360 € |
Fræðslunetið - símenntun á Suðurlandi | Vendinám í fullorðinsfræðslu | 8.840 € |
Símenntunarmiðstöðin á Vesturlandi | Kynnisferð v. fullorðinsfræðslu fatlaðra | 9.060 € |
Slysavarnafélagið Landsbjörg | Skiptinám fyrir áhafnir björgunarbáta | 27.370 € |
Samtals | 53.320 € |
*Birt með fyrirvara um hugsanlegar villur í upphæðum.