Rannsóknarvog
Rannsóknarvog 2009
RANNÍS hefur safnað saman upplýsingum um rannsókna- og þróunarstarfsemi frá árinu 1971 í svokallaðri Rannsóknarvog. Með henni er gagna um umfang og viðgang rannsókna og þróunar aflað annað hvert ár í samstarfi við OECD, Eurostat og ýmsar systurstofnanir á Norðurlöndum. Niðurstöðurnar nýtast stefnumótandi aðilum á sviði vísinda, tækni og nýsköpunar. Þær eru auk þess eitt besta tæki til alþjóðlegs samanburðar á rannsóknum og þróun sem völ er á.
Nú á sér stað gagnasöfnun um rannsóknir, þróun og nýsköpun á árinu 2009, en hún fer fram með nýstárlegum hætti að þessu sinni. Allir þátttakendur í könnuninni, þ.e. fyrirtæki og stofnanir, fá sendan aðgang að rafrænu eyðublaði. Að lokinni útfyllingu fara svör inn í gagnagrunn sem aðeins Rannís hefur aðgang að.
Úrvinnsla upplýsinganna mun eiga sér stað í byrjun árs 2010 og niðurstöður síðan birtar í lok árs. Niðurstöður úr síðustu könnun má sjá í þartilgerðu hefti ásamt öðrum upplýsingum um menntun Íslendinga, einkaleyfasókn og birtingu vísindagreina.
Sé nánari upplýsinga um könnunina þörf má gjarnan hafa samband við neðangreinda aðila.
Elva Brá Aðalsteinsdóttir, sérfræðingur á greiningarsviði Rannís, elva@rannis.is, sími: 515-5812.
Þorvaldur Finnbjörnsson, sviðstjóri greiningarsviðs Rannís, thorvald@rannis.is, sími: 515-5808.
