Rannsóknavog

Rannís hefur safnað saman upplýsingum um rannsókna- og þróunarstarfsemi frá árinu 1971 í svokallaðri Rannsóknarvog. Með henni er gagna um umfang og viðgang rannsókna og þróunar aflað annað hvert ár í samstarfi við OECD, Eurostat og ýmsar systurstofnanir á Norðurlöndum. Niðurstöðurnar nýtast stefnumótandi aðilum á sviði vísinda, tækni og nýsköpunar. Þær eru auk þess eitt besta tæki til alþjóðlegs samanburðar á rannsóknum og þróun sem völ er á.

Gagnasöfnun um rannsóknir, þróun og nýsköpun fer fram annað hvort ár. Allir þátttakendur í könnuninni, þ.e. fyrirtæki og stofnanir, fá sendan aðgang að rafrænu eyðublaði.  Að lokinni útfyllingu fara svör inn í gagnagrunn sem aðeins Rannís hefur aðgang að. 

Þegar úrvinnslu upplýsinganna lýkur í hvert sinn, er gefið út hefti á íslensku og ensku með niðurstöðum og öðrum upplýsingum um menntun Íslendinga, einkaleyfasókn og birtingu vísindagreina. Hægt er að nálgast útgáfurnar hér.

---

Sé nánari upplýsinga um könnunina þörf má gjarnan hafa samband við neðangreinda aðila. 

Elva Brá Aðalsteinsdóttir, sérfræðingur á greiningarsviði Rannís.

Þorvaldur Finnbjörnsson, sviðsstjóri greiningarsviðs Rannís.

---