Listamannalaun

Fyrir hverja?

Sjálfstætt starfandi hönnuði, myndlistarmenn, rithöfunda, sviðslistafólk, tónlistarflytjendur og tónskáld.

Tilgangur

Í þeim tilgangi að efla listsköpun í landinu veitir Alþingi árlega fé af fjárlögum til þess að launa listamenn í samræmi við lög [57/2009.]

Umsóknarfrestur

Lokað er fyrir umsóknir um listamannalaun 2015, sjá auglýsingu. Umsóknarfrestur var til og með 30. september 2014.

Fylgigögnum með umsókn skal skila á skrifstofu Rannís að Laugavegi 13.

Launasjóðir og greiðslur

Starfslaun listamanna eru veitt úr sex sjóðum:

  • launasjóði hönnuða,
  • launasjóði myndlistarmanna,
  • launasjóði rithöfunda,
  • launasjóði sviðslistafólks,
  • launasjóði tónlistarflytjenda,
  • launasjóði tónskálda.

Auk starfslauna er sjóðunum heimilt að veita ferðastyrki.

Umsjón með sjóðunum er í höndum stjórnar listamannalauna.

Starfslaun listamanna eru greidd mánaðarlega. Þau sem njóta starfslauna í sex mánuði eða lengur skulu ekki gegna fullu starfi meðan á starfslaunatímanum stendur.

Fjárhæð starfslauna skal koma til endurskoðunar við afgreiðslu fjárlaga ár hvert með tilliti til þróunar launa, verðlags og efnahagsmála [4. gr. laga 57/2009].