Fyrirtæki yngri en 5 ára og einstaklinga.
Fræ er undirbúningsstyrkur til ungra frumkvöðlafyrirtækja eða einstaklinga og er sniðinn að verkefnum á hugmyndastigi eða á frumstigi í þróun afurðar.
Þróunarfræ er forkönnunarstyrkur til ungra frumkvöðlafyrirtækja og einstaklinga til að ráðast í þróunarsamvinnuverkefni.
Alltaf er opið fyrir umsóknir.
Umsóknir sem berast fyrir lok dags þann 18. mars 2024 verða næst teknar fyrir.
Allar umsóknir sem berast eru teknar fyrir og úthlutun tilkynnt að lágmarki tvisvar á ári.
Umsækjendur senda inn umsókn í umsóknargátt Rannís hér að ofan.
Mikilvægt er að umsækjendur hugi vel að þeim gögnum sem þarf að skila með umsókn.
Hámarksstyrkur er 2.000 þ.kr.
Ekki er gerð mótframlagskrafa í þessum styrkjaflokki.
Skil á niðurstöðum verkefna þurfa að liggja fyrir innan 12 mánaða frá umsóknardegi.
Alltaf er opið fyrir umsóknir. Umsóknir sem berast eru teknar fyrir og úthlutun tilkynnt að lágmarki tvisvar á ári. Umsókn skal skila rafrænt í umsóknarkerfi Rannís.
Umsóknir eru metnar af fagráði Tækniþróunarsjóðs. Fagráðið er þverfaglegt og skipað einstaklingum frá fyrirtækjum, háskólum og stofnunum.
Í þessum flokki fá umsækjendur ekki einkunn eða umsögn um verkefnið. Umsækjendur fá tilkynningu um hvort stjórn hafi ákveðið að styrkja verkefnið eða ekki.
Skila þarf inn lokaskýrslu eigi síðar en 12 mánuðum frá úthlutun.
Þessi styrkjaflokkur fellur undir reglur um minniháttar aðstoð. Nánari upplýsingar um minniháttar aðstoð má sjá í reglum Tækniþróunarsjóðs.
