Tækniþróunarsjóður

Rannís vekur athygli á fréttatilkynningu frá forsætisráðuneytinu þar sem fram kemur að auka eigi fjárveitingar í Rannsóknasjóð og Tækniþróunarsjóð, auk þess sem leggja eigi fé til markáætlunar á sviði rannsókna og nýsköpunar.

CRI hefur nýlega tekið í notkun fyrstu verksmiðju sinnar tegundar í heiminum sem getur framleitt 1,7 milljón lítra á ári af vistvænu metanóli úr koltvísýringsútblæstri og endurnýjanlegri orku frá jarðvarmaorkuverinu í Svartsengi.
Verkefnisstjóri var Oddur Ingólfsson, Carbon Recycling International ehf.

Markmið verkefnisins var að auka sókn á erlenda markaði og náðist sá árangur sem að var stefnt og viðskiptavinum fjölgar jafnt og þétt.
Verkefnisstjóri var Þórarinn Stefánsson, Mobilitus ehf.

Þróunarferlinu er nú lokið og höfuðlínukapallinn, sem ber nafnið Dynex Data, er tilbúinn sem söluvara og er þegar kominn í notkun á tveim skipum og hefur reynst vel fram að þessu.
Verkefnisstjóri var Hjörtur Erlendsson, Hampiðunni hf.

Toghlerarnir eru hannaðir á þá vegu að hægt er að breyta afstöðu á innri byggingu þeirra þannig að sjóflæðinu í gegn um þá er stjórnað.
Verkefnisstjóri var Atli Már Jósafatsson, Pólar togbúnaður ehf.

Í Skólapúlsinum er meðal annars metin ánægja af lestri, þrautseigja í námi, sjálfstraust, einelti, samband nemenda við kennara, samsömun við nemendahópinn og virk þátttaka í tímum.
Verkefnisstjóri var Almar Miðvík Halldórsson, Skólapúlsinum ehf.

Akkerisborinn, sem hannaður og smíðaður var, byggir á nýrri bortækni sem er einstök hvað varðar áreiðanleika festinga á sjávarbotni með litlum tilkostnaði.
Verkefnisstjóri var Hilmar Erlingsson, Tæknistáli ehf.

Aðalmarkmið verkefnisins var að þróa og markaðssetja alsjálfvirkt ferilvöktunarkerfi.
Verkefnisstjóri var Erlingur Brynjúlfsson, Controlant ehf.

Meginmarkmið verkefnisins var að hanna nýtt tæki, Segrometer-4SCC sem gæti mælt stöðugleika ferskrar steypu með tilliti til aðskilnaðar.
Verkefnisstjóri var Ólafur H. Wallevik, Nýsköpunarmiðstöð Íslands.