Verkefnalisti Tækniþróunarsjóðs

Yfirmarkmið verkefnisins HRAX er að framleiða frumgerð af dýru ofurfæðulyfi á 9 mánuðum sem unnið er úr fiskúrgangi.  Þetta næst með fínmölun karfahreisturs og bestun á aðsogi litarefnisins astaxanthin (AX) á hreistrið, rannsóknum á karfahreistri sem kalk- og kollagen-gjafa og prófunum á leysni og upptöku þessara efna í mannslíkama.  Einnig með rannsókn á besta framleiðsluformi fæðulyfsins. Mikil eftirspurn er eftir AX sem líklegri krabba­meinsvörn, til styrkingar ónæmiskerfis og sem vörn gegn öldrunarsjúkdómum og kalki á heppilegu formi til upp­töku í mannslíkama til varnar gegn beinþynningu.  Útsöluverð­mæti þessa fæðulyfs með AX úr íslenskum rækjuvinnslum getur numið 16,7 milljörðum kr. árlega.  Rannsóknir og einkaleyfisferli hefur alls kostað 14,3 milljónir kr. til þessa. Lágmarksáhætta er fólgin í HRAX vegna vandaðra rannsókna sem að baki liggja, auk þess sem umsækjendur og undirverktakar búa yfir þekkingu og eru vel búnir tækjum og aðstöðu. Lýsi sér með þessu möguleika á því að auka rannsóknir og vöruframboð fyrirtækisins fyrir nýjar og mjög verðmætar afurðir.

Verkefnisstjóri er Jón ögmundsson, netf.: jonogmunds@lysi.is
Umsjónarmaður Rannís er Oddur Már Gunnarsson, netf.: omg@rannis.is