Fréttir Vísindavöku

 Prófessor Ragnar Bjarnason yfirlæknir barnalækninga og Dr. Þrúður Gunnarsdóttir sálfræðingur á Barnaspítala Hringsins munu fjalla um rannsóknir á algengi og meðferð offitu hjá börnum og unglingum, á Súfistanum í kvöld kl. 20.

Þá verður einnig hellt upp á Vísindakaffi á Akureyri í kvöld kl. 20 á 1862 Nordic Bistro í Hofi sem ber yfirskriftina: Norðausturland – vannýtt náttúruvætti? Jón Þorvaldur Heiðarsson við Háskólann á Akureyri og Sigþrúður Stella Jóhannsdóttir við Náttúrustofu Austurlands velta fyrir sér hvernig náttúruperlur á Norðausturlandi gætu nýst okkur sem auðlindir án þess að tapa perluskini sínu.