Vísindavaka

Vísindavaka – stefnumót við vísindamenn

Vísindavaka 2011 verður haldin föstudaginn 23. september 2011 í Háskólabíói. Rannsóknamiðstöð Íslands, RANNÍS, stendur fyrir Vísindavöku en hún er haldin samtímis í helstu borgum Evrópu í tengslum við Dag vísindamannsins. Evrópusambandið styrkir verkefnið, en Vísindavaka verður haldin samtímis í fjölmörgum borgum Evrópu. Sjá evrópska heimasíðu verkefnisins.

Markmiðið með Vísindavökunni er að færa vísindin nær almenningi, kynna manneskjurnar á bak við vísindin og vekja fólk til umhugsunar um mikilvægi rannsókna- og vísindastarfs í nútímasamfélagi. Verður það gert með lifandi kynningum og boðið upp á skemmtilega og fræðandi viðburði fyrir alla fjölskylduna. Allar vísindagreinar eru kynntar á Vísindavöku, hugvísindi jafnt sem raunvísindi.

Atriði á sviði í bíósölum 1 og 2 í Háskólabíói 23. september, kynnar verða Felix Bergsson og Inga Lind Karlsdóttir.

Kl.	SALUR 1	Kl.	SALUR 2
17:30	Sprengjugengið!! Sprengjugengið er djarfur hópur efnafræðinema við Háskóla Íslands sem vakið hefur landsathygli fyrir háskalegar efnafræðisýningar á heimsmælikvarða. Ótrúlegar litasjónhverfingar, óvenjulegar gastegundir og ógurlegar sprengingar eru aðalsmerki Sprengjugengisins.	17:50	Hvernig virka gervifætur? - Össur Sigurður Gunnar Gissurarson.
18:00	Þegar matur er meinsemd - fæðuofnæmi. Flytjandi Michael Clausen.	18:10	Eldorgelið Ari Ólafsson lætur gasloga eldorgelsins dansa og spila í takt við tónlist.
18:20	Sköpun karaktera í tölvuleikjum. Hinrik Haraldsson frá CCP.	18:30	Er hægt að rækta lungu? Ólafur Baldursson, Þórarinn Guðjónsson og Magnús Karl Magnússon kynna.
18:50	Stjörnuhimininn að hausti Sverrir Guðmundsson frá Stjörnuskoðunarfélagi Seltjarnarness sýnir okkur undur alheimsins.	18:50	Gömul íslensk þjóðlög lifna við. Smári Ólason hefur stundað rannsóknir á gamalli íslenskri tónlist.
19:20	Geðheilsa íslenskra kvenna á meðgöngu og eftir barnsburð. Linda Bára Lýðsdóttir flytur erindi.	19:10	Fljúgandi fiskar! Flugfiskurinn Nemó og hákarlinn Karl leika listir sín. Stefán Freyr Stefánsson nemandi við Háskólann í Reykjavík.
19:40	Sprengjugengið!	19:30	Formula student Fimmtán nemendur við Háskóla Íslands segja frá hönnun og smíði kappakstursbíls sem fékk verðlaun frá Airbus á alþjóðlegri hönnunarkeppni sem fram fór á Silverstone kappakstursbrautinni í Bretlandi í sumar.
20:10	Sköpun karaktera í tölvuleikjum Hinrik Haraldsson frá CCP.	20:00	Kínversk tónlist – einleikur á sítar Atriðið kemur frá Konfúsíusarstofnunni Norðurljós. Tónlistarkonan heitir Xinyuan Zhang.
20:40	Fólk hættir ekki að hreyfa sig af því það eldist, það eldist af því það hættir að hreyfa sig. Alfons Ramel kynnir.	20:20	Hvernig virka gervifætur? - Össur Sigurður Gunnar Gissurarson.
21:00	Stjörnuhimininn að hausti Sverrir Guðmundsson frá Stjörnuskoðunarfélagi Seltjarnarness sýnir okkur undur alheimsins.	20:40	Eldorgelið Ari Ólafsson lætur gasloga eldorgelsins dansa og spila í takt við tónlist.
		21:00	Fjársjóður framtíðar Vísindasjónvarpsþættir Háskóla Íslands sem hefja göngu sína í Sjónvarpinu í haust.Tilgangurinn með þáttunum er að veita fólki skarpa sýn á hið fjölbreytta starf sem vísindamenn skólans sinna og hvernig þeir vinna við rannsóknir við afar ólíkar aðstæður. Þættirnir ná yfir vísindarannsóknir á öllum fræðasviðum skólans.

Hér má sjá myndband frá Vísindavökunni frá 2010.

Vísindakaffi

Vikan fyrir Vísindavökuna verður einnig tileinkuð vísindunum og almenningi boðið í Vísindakaffi dagana 19.-22. september til að kynnast áhugaverðum viðfangsefnum vísindanna og fá tækifæri til að hitta vísindafólkið sjálft.

Efni Vísindakaffikvöldanna 2011 hér.

Senda á Facebook

Deila á Twitter

Deila á LinkedIn

Vísindavaka 2011

Föstudaginn 23. september kl. 17:00-22:00 í Háskólabíói

Researchers' Night í Evrópu HÉR

Upplýsingar um Vísindakaffi