Styrkir til nýsköpunarverkefna í endurbótum á byggingum - Nordic Built
Nordic Innovation, ásamt samstarfsstofnunum á Norðurlöndunum, auglýsa opinn umsóknarfrest vegna Nordic Built, sem styrkir nýsköpunarverkefni á sviði endurbóta á gömlum byggingum.
Umsóknarferlið er tveggja þrepa og skal skila inn forumsókn (Expression of Interest) fyrir 1. júní nk. fyrir kl. 14 að íslenskum tíma, í gegnum heimasíðu Nordic Innovation.
Skilyrði fyrir styrkhæfi:
- Þátttakendur í verkefnunum skulu koma frá Norðurlöndunum, þremur hið minnsta, og standa fyrir sameiginlegu nýsköpunar- eða þróunarverkefni sem miðar að endurbótum á eldri byggingum og umhverfi þeirra.
- Nordic Built getur styrkt verkefni sem unnin eru af einkafyrirtækjum, opinberum fyrirtækjum, rannsóknarstofnunum og háskólum sem hafa aðsetur í einhverju Norðurlandanna.
- Verkefnið skal miða að endurbótum á eldri byggingum og umhverfi þeirra.
- Opinber fjármögnun verkefnisins getur að hámarki orðið 50% af heildarkostnaði. Sjá nánar um viðurkenndan kostnað Tækniþróunarsjóðs,sem leggur til íslenst fjármagn til verkefna.
- Lengd verkefna er að hámarki 36 mánuðir.
Nánari upplýsingar um Nordic Built má finna á heimasíðu Nordic Innovation hér.
Nánari upplýsingar veita:
Björn Víkingur Ágústsson hjá Rannís
Björn Marteinsson hjá Nýsköpunarmiðstöð Íslands
Í mati Rannís á styrkhæfi verkefna verður farið eftir þeim kröfum sem settar eru um verkefnisstyrki hjá Tækniþróunarsjóði. Hámarksstyrkur til íslenskra þátttakenda er 15 m.kr. á ári í 3 ár.
