Lífsgildi Íslendinga 2009 – verkefnislok
Friðrik H. Jónsson (1951-2010) fékk þriggja ára rannsóknastyrk frá Rannsóknasjóði í verkefnið Lífsgildi Íslendinga 2009. Eftir lát hans tók Fanney Þórsdóttir, lektor við sálfræðideild Háskóla Íslands við sem verkefnisstjóri.
Heiti verkefnis: Lífsgildi Íslendinga 2009
Verkefnisstjóri: Friðrik H. Jónsson/Fanney Þórsdóttir
Tegund styrks: Verkefnisstyrkur
Styrkár: 2009-2011
Styrkfjárhæð: 18,06 millj. kr. alls
Markmið verkefnisins var að kanna lífsgildi Íslendinga og er könnunin hluti af viðamikilli evrópskri könnun sem nefnist European Value Study. Gögnin eru aðgengileg á heimasíðu evrópsku könnunarinnar. Niðurstöður hafa verið birtar í innlendri grein, erindi flutt á innlendri ráðstefnu og í skýrslu sem er aðgengileg á heimasíðu Félagsvísindastofnunar HÍ. Tvær meistararitgerðir í sálfræði við Háskóla Íslands byggðu á verkefninu. Tvær tímaritsgreinar hafa verið sendar til birtingar í ritrýnd erlend fagtímarit og bókin Þróun lífsgilda Íslendinga frá árinu 1984 til 2009 er væntanleg.
