Nýsköpunarþing
Nýsköpunarþing er haldið árlega í samstarfi Rannís, Íslandsstofu, Nýsköpunarsjóðs atvinnulífsins og Hugverkastofunnar.
Umfjöllunarefni Nýsköpunarþings hverju sinni tengist rannsóknum, þróun og markaðsmálum. Umræðuefnið er ávallt valið með það í huga að ýta undir skilning manna á samspili vísinda, tækni og þekkingar annars vegar og vöruframleiðslu og markaðsstarfs hins vegar. Nýsköpunarverðlaun Íslands eru veitt á Nýsköpunarþingi.
Nýsköpunarþing 2023
Hugverkastofan, Rannís, Íslandsstofa og Nýsköpunarsjóður atvinnulífsins bjóða til Nýsköpunarþings 2023 í Grósku 26. október kl. 13:30-15:00. Á þinginu verður kastljósinu beint að nýsköpunarfyrirtækjum sem starfa á sviði líf- og heilbrigðisvísinda.
Stofnendur og stjórnendur Íslenskrar erfðagreiningar, Kerecis, Alvotech, NOX Medical, Sidekick Health, BIOEFFECT, Oculis og Algalíf munu fjalla um árangur sinna fyrirtækja frá mismunandi sjónarhóli. Öflug nýsköpun á sviði líf- og heilbrigðisvísinda hefur leitt af sér þúsundir hátæknistarfa og milljarða í útflutningstekjur. Samfélagslegt mikilvægi þessara fyrirtækja er einnig mikið því starfsemi þeirra bjargar mannslífum, bætir heilsu og eykur lífsgæði fólks um allan heim.
Að erindum loknum mun Áslaug Arna Sigurbjörnsdóttir, háskóla-, iðnaðar- og nýsköpunarráðherra, veita Nýsköpunarverðlaun Íslands 2023.
Í lok þingsins verður boðið upp á léttar veitingar.
Öll velkomin.
Fundarstjóri: Borghildur Erlingsdóttir, forstjóri Hugverkastofunnar
Skráðu þig hér á Nýsköpunarþing 2023
13:30 Setning - Áslaug Arna Sigurbjörnsdóttir, háskóla-, iðnaðar- og nýsköpunarráðherra
13:35 Aðalerindi
- Brautryðjandinn - Kári Stefánsson, forstjóri Íslenskrar erfðagreiningar
- Einhyrningurinn - Guðmundur Fertram Sigurjónsson, forstjóri Kerecis
14:05 Styttri erindi
Lilja Kjalarsdóttir, forstöðumaður rekstrar og stefnumótunar í rannsóknar- og þróunardeild Alvotech
- Einar Stefánsson, stofnandi Oculis
- Sæmundur Oddsson, meðstofnandi og framkvæmdastjóri lækninga og rannsókna Sidekick Health
- Berglind Johansen, framkvæmdastjóri sölusviðs BIOEFFECT
- Sveinbjörn Höskuldsson, þróunarstjóri Nox Medical
14:45 Afhending Nýsköpunarverðlauna Íslands 2023
- Áslaug Arna Sigurbjörnsdóttir, háskóla-, iðnaðar- og nýsköpunarráðherra
15:00 Léttar veitingar og spjall í miðrými Grósku
Nýsköpunarþing er haldið í samstarfi Rannís, Íslandsstofu, Nýsköpunarsjóðs atvinnulífsins og Hugverkastofunnar.
 |
 |
 |
 |
