Háskólastofnanir, háskólakennara og aðra starfsmenn háskóla sem tengjast skipulagi náms eða þjónustu við stúdenta.
Háskólakennarar og annað starfsfólk háskóla getur sótt um styrki til að sækja starfsþjálfun erlendis, s.s. með þátttöku á fagtengdum námskeiðum eða vinnustofum, starfskynningum (job shadowing), eða skipulögðum heimsóknum til samstarfsháskóla. Háskólakennarar geta einnig sótt um styrki til að sinna gestakennslu hjá samstarfsháskóla. Háskólar geta boðið fulltrúum fyrirtækja í öðrum þátttökulöndum að sinna gestakennslu í sínum skóla.
Kennarar og starfsmenn fá upplýsingar um umsóknarfresti hjá sínum heimaskóla og skila umsóknum þangað.
Kannanir og úttektir hafa sýnt að kennarar og annað starfsfólk háskóla gegnir lykilhlutverki við að styðja við og auka gæði í nemendaskiptum. Gestakennsla við samstarfsskóla erlendis eða starfsþjálfun hjá samstarfsaðilum eykur persónulega færni einstakra þátttakenda, gefur starfsfólki tækifæri á að þróast í starfi og efla alþjóðleg tengsl sín og er liður í því að efla markvisst alþjóðlegt samstarf háskóla og hins evrópska menntasvæðis.
Gestakennarar úr atvinnulífinu veita háskólum sömuleiðis tækifæri til að auka tengsl sín við atvinnulífið, tryggja að nám taki mið af þörfum atvinnulífs og að útskrifaðir nemendur séu í stakk búnir til að sinna störfum á vinnumarkaði.
Markmiðið með kennaraskiptum og starfsþjálfun starfsfólks er margþætt:
Háskólar sem hafa hlotið vottun hjá Evrópusambandinu (Erasmus Higher Education Charter) geta sótt um styrk fyrir sína kennara og starfsmenn til landskrifstofu. Kennarar og starfsmenn sækja um um styrk til síns heimaskóla.
Einstakar deildir eða einingar innan háskóla geta sótt um staka styrki í eigin nafni vegna ferða sem ekki hefur verið ákveðið hver muni fara í ef tilgangur ferðar er mjög skýr. Eftir að búið er að ákveða hver fer fyrir deildina/eininguna er styrkurinn skráður á viðkomandi einstakling.
Gestakennsla eða starfsþjálfun erlendis í 2 til 60 daga.
Gestakennsla á Íslandi úr atvinnulífinu í 1 til 60 daga.
Hámarksstyrkur miðast við 12 daga kennslu/þjálfun og 1-2 ferðadaga ef við á (innan Evrópu), samtals 14 daga að hámarki, þó svo dvöl sé lengri.
Kennarar og starfsmenn geta fengið styrk oftar en einu sinni en að öllu jöfnu ekki oftar en einu sinni á hverju skólaári.
Styrkupphæðir:
Styrkupphæðir eftir áfangastöðum í Evrópu , frá og með hausti 2019
Styrkupphæðir eftir áfangastöðum í Evrópu , frá og með hausti 2018
Styrkupphæðir eftir áfangastöðum utan Evrópu
Hægt er að sækja um viðbótarstyrk vegna fötlunar eða heilsufars.
Að tilgangur og lýsing á dvöl í umsókn sé skýr og tengist með skýrum hætti starfsemi og áherslum heimaskólans. Sjá nánar í gæðaskala sem notaður er við mat umsókna.
Að undirrituð kennslu- eða starfsáætlun (Mobility Agreement) fylgi umsókn (í það minnsta af umsækjanda og viðeigandi yfirmanni hjá heimaskóla).
Styrkur er ekki greiddur nema gestaskóli eða -stofnun hafi undirritað kennslu- eða starfsáætlun (Mobility Agreement).
Í kennaraskiptum er skilyrði að Erasmus samningur sé í gildi við gestaskólann.
Samkvæmt Erasmus+ Charter sem háskólar hafa skrifað undir vegna þátttöku sinnar í Erasmus+ þá munu þeir „Ensure that staff are given recognition for their teaching and training activities undertaken during the mobility period, based on a mobility agreement“.
Hægt er að sinna gestakennslu eða fara í starfsþjálfun í öllum þátttökulöndum Erasmus+. Þessi lönd eru Evrópusambandslöndin 28, EFTA löndin Ísland, Lichtenstein og Noregur auk Tyrklands, Serbíu og Lýðveldisins Makedóníu. Sjá kort. Sömuleiðis geta íslenskir háskólar boðið starfsfólki fyrirtækja að sinna gestakennslu í sínum skólum frá öllum þátttökulöndum Erasmus+.
Kennarar og starfsmenn geta sótt um styrki til landa utan Evrópu. Háskólar geta einnig boðið til sín kennurum og starfsmönnum samstarfsskóla utan Evrópu og veitt þeim styrk. Sjá hér nánari upplýsingar.
Kennari eða starfsmaður sækir um til síns heimaskóla (sjá umsóknir og eyðublöð) sem veitir styrkinn og sér um alla umsýslu tengda honum.
