HERA - Humanities in the European Research Area

Fyrir hverja?

Vísindafólk er vinnur að rannsóknaverkefnum tengdum hugvísindum.

Til hvers?

Tilgangur HERA er að stuðla að samstarfi í rannsóknum í hugvísindum innan Evrópu m.a. með því að bjóða upp á rannsóknastyrki.

Umsóknarfrestur

Árið 2015 var opið fyrir umsóknir fyrir verkefni innan viðfangsefnisins Uses of the Past og var umsóknarfrestur til 9. apríl 2015. Næsti umsóknarfrestur verður auglýstur hér.

Hvað er HERA?

HERA er samstarfsvettvangur rannsóknaráða og rannsóknasjóða frá 24 löndum annars vegar og framkvæmdastjórnar ESB hins vegar, með það að markmiði að styrkja hugvísindi og rannsóknir í hugvísindum á Evrópska rannsóknarsvæðinu og innan Horizon 2020, rammaáætlunar ESB um rannsóknir og nýsköpun.

Hvert er markmiðið?

Markmið HERA er að stuðla að samstarfi rannsókna- og vísindráða innan Evrópu, bjóða upp á sameiginlegum styrkjarmöguleikum til rannsókna innan hugvísinda, skilgreina aðferðir til að meta áhrif hugvísinda, stuðla að sýnileika og möguleika hugvísinda og vera virkur talsmaður hugvísinda innan Evrópu.

Hverjir geta sótt um?

Vísindafólk sem starfar að rannsóknum tengdum hugvísindum í víðum skilningi (einnig t.d. sumar greinar félagsvísinda og lögfræði). Innan HERA er lýst eftir umsóknum á 2-3 ára fresti. Árið 2015 er lýst eftir umsóknum innan rannsóknaáætlunar sem nefnist Uses of the Past. Rannsakendur og rannsóknahópar geta sótt um. Krafist er samstarfs minnst fjögurra aðildarlanda HERA í hverri umsókn.

Eftirfarandi lönd eru aðilar að viðfangsefninu Uses of the Past: Austurríki, Belgía, Bretland, Eistland, Finnland, Holland, Írland, Ísland, Ítalía,  Króatía, Lettland, Litháen, Lúxemborg, Noregur, Portúgal, Póland, Slóvenía, Spánn, Sviss, Svíþjóð, Tékkland, Þýskaland.

Nánari upplýsingar








Þetta vefsvæði byggir á Eplica