Norface er fyrir vísindafólk er vinnur að rannsóknum á sviði félagsvísinda.
Tilgangur Norface er að stuðla að samstarfi í rannsóknum í félagsvísindum innan Evrópu, m.a. með því að bjóða upp á rannsóknastyrki til ákveðinna viðfangsefna.
Umsóknarfrestur í DIAL (Dynamics of Inequality Across the Life-course) var til 30. mars 2016. Lokað fyrir umsóknir.
NORFACE (New Opportunities for Research Funding Agency Co-operation in Europe) er sk. ERA-net, og er samstarfsvettvangur rannsóknaráða og rannsóknasjóða frá 16 löndum á sviði félagsvísinda.
Markmið NORFACE er að stuðla að samstarfi rannsókna- og vísindaráða innan Evrópu með því að setja upp sameiginlega rannsóknasjóði innan félagsvísinda með áherslu á ákveðin viðfangsefni hverju sinni. NORFACE styrkir félagsvísindi og rannsóknir í félagsvísindum á Evrópska rannsóknarsvæðinu og innan Horizon 2020, rammaáætlunar ESB um rannsóknir og nýsköpun. NORFACE hvetur til samstarfs með því að auðvelda leit að samstarfsaðilum á sama fræðasviði og stuðlar þannig að auknum sýnileika og virkni félagsvísinda.
Vísindafólk sem starfar að rannsóknum á sviði félagsvísinda. Innan NORFACE eru skilgreind forgangsatriði og sameiginlegum sjóðum komið á fót samkvæmt því.
Þann12. Janúar 2016 var opnað fyrir umsóknir fyrir verkefni innan viðfangsefnisins Dynamics of Inequality Across the Life-course: structures and processes (DIAL). Rannsakendur og rannsóknahópar geta sótt um.
Kynning á DIAL (pdf 540 KB)
Krafist er samstarfs minnst þriggja aðildarlanda NORFACE í hverri umsókn.
Eftirtalin lönd eru aðilar að NORFACE: Austurríki, Bretland, Danmörk, Eistland, Finnland, Frakkland, Holland, Írland, Ísland, Kanada, Litháen, Noregur, Pólland, Portúgal, Slóvenía, Svíþjóð, Sviss og Þýskaland.
Sótt er um í gegnum rafræna umsóknarkerfið ISAAC . Nánari upplýsingar og leiðbeiningar á heimasíðu NORFACE .
