Sérfræðingur á alþjóðasviði

12.12.2018

Starfið felur meðal annars í sér að hafa umsjón með Uppbyggingasjóði EES, vera landstengiliður fyrir undiráætlanir Horizon 2020 rannsókna- og nýsköpunaráætlunar ESB og taka virkan þátt í erlendum samstarfsverkefnum. 

Einnig er um að ræða þátttöku í kynningarmálum og skipulagningu viðburða í samstarfi við sviðsstjóra og aðra starfsmenn sviðsins. Starfið felur í sér töluverð ferðalög.

Starfssvið:

• Umsjón með Uppbyggingasjóði EES
  
• Þjónusta við og kynning á Horizon 2020 rannsókna- og nýsköpunaráætlun ESB
  
• Dagleg samskipti og þjónusta við viðskiptavini stofnunarinnar
  
• Umsjón með framkvæmd alþjóðlegra verkefna með þátttöku Rannís í samstarfi við sviðstjóra og aðra starfsmenn
  
• Skipulagning funda og annarra viðburða, sem og þátttaka í kynningarstarfi
  

Menntunar- og hæfniskröfur:

• Framhaldsmenntun á háskólastigi sem nýtist í starfi
  
• Reynsla af verkefnastjórnun og upplýsingamiðlun er æskileg
  
• Reynsla af rannsóknum og þekking á vísindasamfélaginu er kostur
  
• Mjög góð samstarfshæfni og samskiptafærni áskilin
  
• Færni í notkun algengra tölvuforrita og góð almenn tölvukunnátta áskilin
  
• Mjög góð íslenskukunnátta og mjög góð færni í ensku, rituðu og skrifuðu máli, önnur tungumálakunnátta er kostur
  
• Metnaður til að ná árangri í starfi með því að sýna sjálfstæð og vönduð vinnubrögð, frumkvæði og veita góða þjónustu

Upplýsingar um starfið veitir Aðalheiður Jónsdóttir , sviðsstjóri alþjóðasviðs, í síma 515 5806.

Umsóknarfrestur er til og með 6. janúar 2019. Ekki er tekið við umsóknum eftir þann tíma.

Æskilegt er að viðkomandi geti hafið störf sem fyrst.

Umsókn skal fylgja ferilskrá, kynningarbréf og afrit prófskírteina. 

Umsóknir geta gilt í sex mánuði eftir að umsóknarfrestur rennur úr, sbr. reglur nr. 464/1996 um auglýsingar á lausum störfum, með síðari breytingum.

Við ráðningu í starfið verður tekið mið af jafnréttisáætlun Rannís. Laun greiðast samkvæmt viðeigandi kjarasamningi við fjármálaráðuneytið.

Öllum umsóknum verður svarað þegar ákvörðun hefur verið tekin um ráðningu.

Rannís er líflegur vinnustaður með nálægt 50 sérfræðingum sem starfa eftir gildum stofnunarinnar: Áhrif, fagmennska og samstarf. Hlutverk Rannís er að treysta stoðir íslensks samfélags með stuðningi við rannsóknir,nýsköpun, menntun og menningu og styðja þekkingarsamfélagið með rekstri samkeppnissjóða, aðstoð og kynningu á alþjóðlegum sóknarfærum og samstarfsmöguleikum. Rannís greinir og kynnir áhrif rannsókna, menntunar og menningar á þjóðarhag og þjónustar undirbúning vísinda- og tæknistefnu.