Nýjung frá EMBO
Vakin er athygli á nýjum styrkjum frá EMBO, svonefndum "EMBO Conference Series" styrkjum. Styrkir þessir eru ætlaðir til að halda raðir ráðstefna um tiltekið efni í sameindalíffræði og skyldum greinum.
Miðað er við þrjár ráðstefnur á 6 árum og mega þær gjarnan skiptast á við ráðstefnur sem haldnar eru í Bandaríkjunum þannig að annað hvert ár yrði ráðstefnan haldin í Evrópu en hitt í Bandaríkjunum. Umsóknarfrestir eru 1. febrúar og 1. ágúst árlega. Frekari upplýsingar og umsóknareyðublöð má finna á vefsíðunni http://www.embo.org/courses_workshops/conference_series.html.
