Rannís

Ráðstefna um eflingu gæða doktorsnáms verður haldin í Háskóla Íslands (Hátíðarsal í Aðalbyggingu) 1. júní kl. 13:00-16:00. Ráðstefnan er haldin á vegum Ráðgjafanefndar Gæðaráðs háskóla í tengslum við rammaáætlun um eflingu gæða á sviði æðri menntunar á Íslandi (QEF).

 Rannís hefur nú gefið út skýrslu um þátttöku Íslands í 6. og 7. rannsóknaáætlun ESB.

Rannís vekur athygli á fréttatilkynningu frá forsætisráðuneytinu þar sem fram kemur að auka eigi fjárveitingar í Rannsóknasjóð og Tækniþróunarsjóð, auk þess sem leggja eigi fé til markáætlunar á sviði rannsókna og nýsköpunar.

Á dögunum hélt ESCA, European Secretariat for Cluster Analysis, þjálfunarbúðir gagngert til að þjálfa alþjóðlegt teymi í vottun klasastjórnunar. Þorvaldur Finnbjörnsson, sviðsstjóri greiningarsviðs hjá Rannís og Karl Friðriksson, framkvæmdastjóri hjá Nýsköpunarmiðstöð Íslands sóttu þjálfunarbúðirnar og teljast nú fullgildir vottunaraðilar á Íslandi.

Stjórn Tækjasjóðs hefur lokið við úthlutun úr sjóðnum fyrir árið 2012.

Við vekjum athygli á vinnustofu á vefnum um tækifærí í kanadísku rannsóknasamstarfi á sviði hug- og félagsvísinda. Tengill í frekari upplýsingar hér að neðan.

Síðari opni fundurinn um tillögur að einföldun vísinda- og nýsköpunarkerfisins verður haldinn fimmtudaginn 3. maí nk. kl. 15-17 í Norræna húsinu. Efni fundarins er fjármögnun og mat á árangri.

Boðað er til tveggja opinna umræðufunda um tillögur að einföldun vísinda- og nýsköpunarkerfsins. Fyrri fundurinn verður haldinn í Norræna húsinu, fimmtudaginn 26. apríl 2012, kl. 15-17.

Fyrirtækið Primex hlaut Nýsköpunarverðlaun Íslands 2012 sem afhent voru á Nýsköpunarþingi í morgun. Sigríður Vigdís Vigfúsdóttir, markaðsstjóri Primex veitti verðlaununum viðtöku ásamt hluta af starfsmönnum fyrirtækisins.

Katrín Jakobsdóttir, mennta- og menningarmálaráðherra vígði mánudaginn 16. apríl norræna háhraðatölvu, sem komið hefur verið upp hér á landi í samstarfi Háskóla Íslands og þriggja norrænna rannsóknarstofnana, Danish Center for Scientific Computing, Swedish National Infrastructure for Computing og UNINETT Sigma í Noregi. Verkefnið er unnið í nánu samstarfi við gagnaverið Advania Thor Data Center í Hafnarfirði sem hýsir háhraðatölvuna.