Aðrir sjóðir

Evrópusambandið hefur nú birt allar vinnuáætlanir 7. rannsóknaáætlunar sambandsins fyrir árið 2011. Þar má sjá hvers konar rannsóknarverkefni verða styrkt árið 2011, umsóknarfresti o.fl. Starfsfólk Rannís mun veita frekari upplýsingar eftir 9. ágúst, að loknum sumarleyfum.

Námskeið fyrir alla sem aðstoða vísindamenn, háskóla, fyrirtæki og stofnanir við umsóknargerð í 7. rá verður haldið 18. ágúst 2010 kl. 9:00-15:30 í húsnæði Endurmenntunar Háskóla Íslands við Dunhaga í Reykjavík. Leiðbeinandi Sean McCarthy.

Þrír vinningshafar í happdrætti Rannsóknavogar Rannís hafa verið dregnir út og hljóta þeir að launum gjafabréf fyrir fjóra í Borgarleikhúsið á sýningu að eigin vali. Heppnir þátttakendur voru valdir af handahófi úr hópi þeirra sem skiluðu inn svörum fyrir 5. júlí sl.

Markmið verkefnisins var vaxandi umsetning í útflutningi á vörum SagaMedica - Heilsujurta.
Verkefnisstjóri var Perla björk Egilsdóttir, Sagamedica - Heilsujurtum ehf.

Niðurstöður verkefnisins sýna að sú aðferð sem þróuð var í verkefninu nýtist vel til að framleiða lífræna bragðkjarna sem hafa þá eiginleika (bragð, lit og geymsluþol) sem leitast var eftir. Bragðkjarnarnir voru notaðir til að framleiða sósur og súpur og var gerður góður rómur að þessum vörum.
Verkefnisstjóri var Hjörleifur Einarsson, Háskólanum á Akureyri.

Helstu niðurstöður verkefnisins birtust í tveimur meistararitgerðum.  Einnig hafa verið birtar ýmsar ráðstefnu- og tímaritsgreinar um þessar og tengdar niðurstöður. 
Verkefnisstjóri var Magnús M. Halldórsson, Háskólanum í Reykjavík.

Helstu niðurstöður verkefnisins birtust nýlega í doktorsritgerð Elenu Losievskaju við Háskólann í Reykjavik.
Verkefnisstjóri var Magnús M. Halldórsson, Háskólanum í Reykjavík.

Næsti umsóknarfrestur heimkomustyrkja (Reingration Grants) í Mannauðsáætlun 7. rannsóknaáætlunar (People) verður 7. september 2010. Styrkirnir henta sérstaklega vel þeim sem hafa lokið doktorsgráðu og/eða starfað að rannsóknum utan Evrópu um nokkurra ára skeið.

Með styrk frá Tækniþróunarsjóði Rannís hefur fyrirtækið Lífeind ehf.  unnið að þróun aðferða til að meta gæði flókinna erfðaefnissýna og þróa örsýnaraðsöfn til sértækra greininga á erfðamengi mannsins. 
Verkefnisstjóri var Jón Jóhannes Jónsson, Lífeind ehf.

í verkefninu var unnið að grunnrannsóknum í stærðfræðilegri eðlisfræði á sviði þyngdarfræði og strengjafræði. Meðal helstu viðfangsefna voru varmafræðilegir eiginleikar svarthola í tímarúmi með neikvæðan heimsfasta, ofursamhverfar jaðarvíxlverkanir í strengjafræði og nýstárleg tengsl milli þyngdarfræði og þéttefnisfræði.
Verkefnisstjóri var Lárus Thorlacius, Háskóla Íslands.