Sérfræðingur í rannsóknateymi

Umsóknarfrestur: 11.04.2024 - 02.05.2024

Sérfræðingur óskast í fullt starf hjá Rannís. Starfið felur í sér umsjón með allt að þremur fagráðum Rannsóknasjóðs; með áherslu á fagráð raunvísinda og stærðfræði og fagráð verkfræði og tæknivísinda, auk umsjónar með öðrum innlendum sjóðum og alþjóðlegum verkefnum.

Verkefni:

Umsjón með fagráðum Rannsóknasjóðs felur í sér skipulagningu á vinnu fagráða við mat á umsóknum og undirbúning að ákvörðunum stjórnar sjóðsins um úthlutun. Allar umsóknir eru á ensku og matsferlið einnig, þar sem allir matsmenn starfa utan Íslands. Alþjóðleg verkefni fela meðal annars í sér þátttöku í norrænu og evrópsku samstarfi sambærilegra stofnana sem samfjármagna alþjóðleg rannsóknarverkefni og kynningu á alþjóðlegum tækifærum fyrir íslenska aðila. Starfið felur í sér mikil samskipti við umsækjendur og styrkþega og við innlenda og erlenda samstarfsaðila.  

Hæfniskröfur:

• Meistarapróf á sviði raunvísinda eða verkfræði er áskilið en doktorspróf er kostur
• Reynsla af rannsóknum ásamt þekkingu á rannsóknaumhverfi er skilyrði
• Mjög góð kunnátta í íslensku og ensku bæði tal- og ritmáli
• Góð kunnátta í Norðurlandamáli er kostur
• Mjög góð færni í töflureikni er skilyrði ásamt færni í helstu Office forritum eða sambærilegu
• Mjög góð hæfni í greiningu og lausn vandamála er skilyrði
• Sjálfstæð og skipulögð vinnubrögð ásamt góðri samskiptafærni áskilin 
• Metnaður til að ná árangri í starfi með því að sýna vönduð vinnubrögð, frumkvæði og veita góða þjónustu

Skipulagseining:
Rannsókna- og nýsköpunarsvið

Heimilisfang:
Borgartún 30, 105 Reykjavík

Tengiliðir:

• Sigurður Óli Sigurðsson
  sigurdur.o.sigurdsson@rannis.is
  515 5802
  

Umsóknarfrestur er til og með 2. maí 2024.

Sjá nánari upplýsingar á vefsíðu Rannís, www.rannis.is/starfsemi/laus-storf/. Umsókn skal fylgja ferilskrá, kynningarbréf og prófskírteini. 

Umsækjendur eru beðnir um að kynna sér sérstaklega starfsemi Rannsóknasjóðs, sjá handbók sjóðsins fyrir 2024, https://www.rannis.is/sjodir/rannsoknir/rannsoknasjodur/

Við ráðningu í starfið er tekið mið af jafnréttisáætlun Rannís og er fólk af öllum kynjum hvatt tl að sækja um. Öllum umsóknum verður svarað þegar ákvörðun hefur verið tekin um ráðningu.

Umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum, með síðari breytingum.

Rannís er líflegur vinnustaður með um 70 sérfræðingum sem starfa eftir gildum stofnunarinnar: Áhrif, fagmennska og samstarf. Hlutverk Rannís er að treysta stoðir íslensks samfélags með stuðningi við rannsóknir, nýsköpun, menntun og menningu og styðja þekkingarsamfélagið með rekstri samkeppnissjóða, aðstoð og kynningu á alþjóðlegum sóknarfærum og samstarfsmöguleikum. Rannís greinir og kynnir áhrif rannsókna, menntunar og menningar á þjóðarhag og þjónustar undirbúning vísinda- og tæknistefnu.

Smelltu hér til að sækja um starfið

Starfshlutfall:
100%

Starfssvið:
Sérfræðistörf

Launaskilmáli:
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.