SEF - Samstarfsnefnd um endur­menntun framhalds­skóla­kennara

Fyrir hverja?

Skóla-/menntastofnanir og fagfélög framhaldsskólakennara sem bjóða endurmenntun, fyrirlestra og ráðstefnur.

Til hvers?

Hægt er að sækja um styrki til að skipuleggja sumarnámskeið framhaldsskólakennara í samstarfi við bókhaldsskylda fræðslu- eða menntastofnun, gestafyrirlestur á vegum fagfélags eða skóla, þátttöku í ráðstefnum og vettvangsnám.

Umsóknarfrestir

Umsóknarfrestur vegna sumarnámskeiða á árinu 2017 var til þriðjudagsins 17. janúar kl. 17:00. Lokað er fyrir umsóknir.

Næsti umsóknarfrestur fyrir gestafyrirlesara og ráðstefnunstyrki er í október 2017.

Hvert er markmiðið?

Að tryggja framboð af endurmenntun til handa framhaldsskólakennurum.

Hverjir geta sótt um?

Fagfélög kennara, framhaldsskólar og menntastofnanir.

Hvað er styrkt?

Gestafyrirlestur og ráðstefnur : Skólar, kennarafélög og fagfélög eiga þess kost að sækja um styrki til fyrirlestrarhalds á fundum eða ráðstefnum á sínum vegum. Faggreinafélög geta sótt um styrk fyrir 1-2 félagsmenn til að sækja ráðstefnu eða námskeið erlendis og skólameistarar geta tilnefnt 1-2 kennara til að sækja ráðstefnu eða námskeið erlendis. Ath. að ferðist tveir einstaklingar, skulu þeir fara á sömu ráðstefnu / námskeið,.

Um er að ræða fastar styrkupphæðir:

  • Ráðstefnustyrkur vegna ráðstefnu eða námskeið erlendis að hámarki 250.000 kr. á hvern einstakling.
  • Gestafyrirlestur í skólum eða hjá fagfélögum að hámarki 80.000 kr.

SumarnámskeiðSEF styrkir og getur skipulagt styttri og lengri símenntunarnámskeið fyrir framhaldsskólakennara, s.s. nám samhliða kennslu (vettvangsnám) sem fer fram á starfstíma skóla og nær yfir heilt skólaár. SEF úthlutar einnig styrkjum til fagfélaga og skóla.  Fagfélög geta sótt um styrk til að halda greinabundin sumarnámskeið og framhaldsskólar geta sótt um styrk til að halda námskeið fyrir kennara sína. Stjórn SEF tekur afstöðu til hverrar umsóknar fyrir sig. Ekki eru veittir einstaklingsstyrkir.

Skilyrði úthlutunar

Styrkir til endurmenntunar eru veittir á grundvelli ákvörðunar um framlög á fjárlögum hvers árs. Skilyrði er að skilað sé inn rafrænni umsókn. Bókhaldsskyldar fræðslu- eða menntastofnanir skulu vera ábyrgar fyrir framkvæmd námskeiða.

 

Nánari upplýsingar

 








Þetta vefsvæði byggir á Eplica