Nemendur í doktorsnámi á sviði náttúruvísinda.
Sjóðnum er ætlað að styrkja rannsóknir á samspili landnýtingar og loftslags.
Umsóknarfrestur var 15. júní 2023, kl. 15.00.
Ath. Sótt er um í gegnum umsóknarkerfi Rannsóknasjóðs; inni á mínum síðum, veljið Rannsóknasjóð og þar Environmental doctoral grant.
Doktorsnemasjóður umhverfis-, orku- og loftlagsáðuneytisins er opinn samkeppnissjóður sem starfar samkvæmt lögum um opinberan stuðning við vísindarannsóknir (nr. 3/2003 með áorðnum breytingum). Markmið sjóðsins er að styrkja rannsóknir á samspili landnýtingar og loftslag. Í þeim tilgangi styrkir sjóðurinn nemendur í doktorsnámi á sviði náttúruvísinda. Sjóðurinn veitir styrki samkvæmt almennum áherslum umhverfisráðuneytis og á grundvelli faglegs mats á gæðum rannsóknarverkefna, færni einstaklinganna sem stunda rannsóknirnar og aðstöðu þeirra til að sinna verkefninu.
Styrkir sjóðsins eru ætlaðir doktorsnemum sem sækja um í eigin nafni. Umsækjendur verða að hafa verið samþykktir inn í doktorsnám við íslenskan háskóla og skal vottorð þess efnis frá rannsóknastjóra, nemendaskrá háskólans eða sambærilegum skrifstofum fylgja umsókn.
