Öryggi og persónuvernd á vefnum

Þegar þú notar vef Rannís verða til upplýsingar um heimsóknina. Rannís miðlar þeim ekki til annarra nema samkvæmt lagaskyldu til eftirlitsaðila. 

Notkun á vafrakökum

Svo kallaðar vafrakökur* eru notaðar á vefnum til að telja heimsóknir á vefinn.

Það er stefna Rannís að nota vafrakökur sparlega og með ábyrgum hætti. Notendur vefjarins geta að sjálfsögðu stillt vafra sína þannig að þeir láti vita af kökum eða hafni þeim með öllu. 

Rannís notar Google Analytics til vefmælinga. Við hverja komu inn á vefinn eru nokkur atriði skráð, svo sem tími og dagsetning, leitarorð, frá hvaða vef er komið og gerð vafra og stýrikerfis. Þessar upplýsingar má nota við endurbætur á vefnum og þróun hans, t.d. um það efni sem notendur sækjast mest eftir og fleira. Engum frekari upplýsingum er safnað um hverja komu og ekki er gerð tilraun til að tengja slíkar upplýsingar við aðrar persónugreinanlegar upplýsingar.

* „cookies“ - sérstök skrá sem komið er fyrir á tölvu notanda sem heimsækir viðkomandi vef og geymir upplýsingar um heimsóknina. 

Öryggi á vefnum

Öll samskipti við vefþjóna okkar eru  dulkóðuð yfir öruggar vefslóðir (HTTPS) sem þýðir að öll samskipti eru dulrituð. Það gerir gagnaflutning öruggari og varnar því að óprúttnir aðilar komist yfir gögn sem send eru í gegnum vefinn, eins og t.d. lykilorð. 

Námskeiðsskráningar og innsend gögn

Við skráningu á námskeið eða viðburði hjá Rannís er beðið um upplýsingar sem nauðsynlegar eru til þess að við getum haft samband við þátttakendur og sent reikninga fyrir námskeiðsgjöldum. 

Upplýsingar um þátttakendur og greiðendur fara til frekari úrvinnslu hjá starfsmönnum okkar, sem vinna eftir verklagsreglum Rannís varðandi meðhöndlun á persónuupplýsingum. 

Sjá nánar um persónuverndarstefnu Rannís (á ensku).

Almennt gildir um persónurekjanlegar upplýsingar sem Rannís berast (t.d. í tölvupósti eða við skráningar á námskeið og viðburði) að áhersla er lögð á að einungis þeir starfsmenn sem tengjast viðkomandi ferli hafi aðgang að gögnunum. Ekki er um að ræða neina samkeyrslu innsendra upplýsinga og þeim er aldrei deilt með þriðja aðila.

Skráning á póstlista Rannís

Hægt er að skrá sig á póstlista Rannís á vefsíðunni. Með því að skrá þig á póstlista Rannís færð þú hnitmiðaðar tilkynningar um opnanir á sjóðum, viðburði og námskeið. Tilkynningarnar eru hannað og sendar út með póstkerfinu MailChimp. Hægt er að breyta eða segja upp áskriftinni hvenær sem er með því að smella á link til að breyta upplýsingum um skráningu, neðst í tilkynningunni.

Hafa samband – ábending eða fyrirspurn

Á mörgum síðum vefsins er hægt að hafa samband við tengiliði sjóða og verkefna með því að senda þeim tölvupóst. Ábendingar eða fyrirspurnir eru umsvifalaust sendar á almennt netfang þess starfsmanns sem er valið. Þar tekur starfsmaður á móti fyrirspurninni, skráir í málaskrá Rannís og afgreiðir það. Afrit af erindunum og svörum Rannís eru ekki vistuð í vefumsjónarkerfinu.

Sjá nánar um persónuverndarstefnu Rannís (á ensku).

Tölvupóstur til vefumsjónar

Hægt er að senda tölvupóst til vefumsjónar, vefur[hjá]rannis.is , með ábendingar er varðar vefinn. Þeir tölvupóstar eru ekki geymdir heldur er þeim eytt strax eftir afgreiðslu.

Tenglar í aðra vefi

Á vef Rannís er stundum vísað á vefi annarra stofnana, félagasamtaka og fyrirtækja. Reglur Rannís um öryggi notenda gilda ekki á vefjum utan hans. Rannís ber ekki ábyrgð á efnisinnihaldi eða áreiðanleika slíkra vefja. Vísunin þýðir heldur ekki að Rannís styðji eða aðhyllist nokkuð sem þar kemur fram.








Þetta vefsvæði byggir á Eplica