ÁHERSLUR STJÓRNAR
Boðið er upp á tvær styrktegundir og eru styrkirnir veittir til eins árs.
• Styrkir til kynningar og fræðslu um loftslagsmál.
• Styrkir til nýsköpunarverkefna eru ætlaðir meðal annars til þess að styrkja rannsóknir og þróunarstarf í tengslum við innleiðingu á nýjum loftslagsvænum tæknilausnum og hönnun.
Áhersla er lögð á verkefni sem hafa það markmið að draga úr losun eða skilgreina betur hina ýmsu þætti losunar sem rekja má til mannlegra athafna.
Verkefni sem stuðla að endurheimt votlendis og verkefni sem stuðla að bindingu kolefnis í gróðri og jarðvegi, svo sem með skógrækt og landgræðslu, falla ekki undir verksvið sjóðsins.
Öllum er heimilt að sækja um í sjóðinn. Það styrkir
umsókn ef um samstarf milli einstaklinga,
fyrirtækja, félagasamtaka og/eða stofnana er að
ræða. Það styrkir umsókn ef verkefnið hefur
möguleika til að nýtast sem víðast í samfélaginu.
Gert er ráð fyrir að verkefnið hafi það markmið að
hafa áhrif út fyrir einstaka fyrirtæki, félagasamtök
og/eða stofnun. Rafrænt umsóknareyðublað er á
íslensku en skila má umsóknum á íslensku og á
ensku. Birting skal vera á íslensku.
Algengar
spurningar og svör:
Hvenær má gera ráð fyrir að úthlutað verði úr sjóðnum?
- Stefnt er að því að önnur úthlutun úr sjóðnum verði í mars 2021.
Hvenær er miðað við að verkefni geti hafist?
- Miðað er við að verkefni hefjist við undirritun samnings.
Er í lagi að skrá stofnun sem umsækjanda?
- Umsækjandi getur verið annað hvort stofnun, fyrirtæki, félagasamtök eða einstaklingur, en gert er ráð fyrir því að verkefnastjóri sé einstaklingur.
Hvernig á að fara inn í umsóknarkerfið ef umsækjandi er stofnun, fyrirtæki eða félagasamtök?
- Ef þú er með íslykil fyrir stofnunina, fyrirtækið eða félagið getur þú notað hann til að skrá þig inn í umsóknarkerfið. Þú getur líka notað þinn íslykil eða rafræn skilríki í síma til að skrá þig inn í umsóknarkerfið. Afrit af innsendri umsókn verður síðan aðgengilegt á mínum síðum þess sem var skráður í kerfið.
Geta fleiri en einn verið að vinna í sömu umsókn á sama tíma?
- Það á ekki að vera hægt.
Er gert ráð fyrir launatengdum gjöldum í mánaðarlaunum?
- Í reit 3.1 mánaðarlaun getur þú sett laun með launatengdum gjöldum.
Er hámarkslengd verkefnalýsingar 12 blaðsíður með forsíðu og öðru úr sniðmátinu?
- Hámarkslengd verkefnalýsingar er 12 blaðsíður með forsíðu og öðru úr sniðmátinu.
Er ekki gert ráð fyrir heimildaskrá?
- Heimildaskrá getur verið í verkefnalýsingunni.
Á að senda verkefnalýsinguna með umsókninni sem Word skjal eða PDF?
- Til að geta hlaðið verkefnalýsingunni inn í umsóknarkerfið þarf að lesa hana yfir í PDF.
Hvar er sniðmát fyrir verkefnalýsinguna?
- Sniðmát fyrir verkefnislýsingu er í umsóknarkerfinu.
