Umsóknir og eyðublöð

Í umsókn skal gera grein fyrir verkefninu, aðstandendum og tíma- og fjárhagsáætlun. Umsóknareyðublað sjóðsins er á rafrænu formi. Til þess að nálgast umsóknareyðublaðið þarf að tengjast umsóknarkerfi Rannís .

Matskvarði umsókna

Einföldun í umsóknakerfi fyrir atvinnusviðslistahópa/listamannalaunaumsóknir

Ætli atvinnusviðslistahópur að sækja um styrk til sviðslistarráðs/atvinnusviðslistahópa og einnig um listamannalaun/sviðslist, nægir að fylla út umsóknarform atvinnusviðslistahópa. Sé fyllt út í viðeigandi reit hjá þátttakanda, gildir umsóknin einnig til listamannalauna.

Leiðbeiningar við umsóknargerð

Í fjárhagsáætlun skal gera grein fyrir heildarkostnaði verkefnisins. Ef sótt er um styrki til annarra sjóða eða um starfslaun listamanna, skal tilgreina það í umsókn.

ATHUGIÐ að þegar umsókn atvinnusviðslistahóps til sviðslistarráðs á einnig að gilda sem umsókn um listamannalaun í launasjóð sviðslistafólks verður um tvær umsóknir að ræða þ.e. sér umsóknarnúmer fyrir hvorn sjóð gildir og umsýsla og mat verður aðskilið. Lög um listamannalaun (57/2009) og reglugerð um listamannalaun (834/2009) gilda um umsóknir um listamannalaun og ferli þeirra. Sjá einnig áherslur stjórnar listamannalauna.

Sviðslistamenn sem hyggjast einungis sækja um listamannalaun (ekki um styrk til sviðslistarráðs), senda inn umsóknir í gegnum umsóknarform  listamannalauna - sendir hver og einn inn sína einstaklingsumsókn; sé um samstarf að ræða er gert grein fyrir því í umsókninni, í samræmi við áherslur stjórnar listamannalauna .

Viðhengi

Með umsókn skulu fylgja staðfest gögn frá samstarfsaðilum sem og önnur gögn til stuðnings umsókn, svo sem ferilskrár, handrit og annað slíkt. Ferilskrár eiga að vera saman í einni skrá.

Aðeins er tekið við rafrænum gögnum í gegnum umsóknarkerfið.

 







Þetta vefsvæði byggir á Eplica