Umsóknir og eyðublöð

Í umsókn skal gera grein fyrir verkefninu, aðstandendum og tíma- og fjárhagsáætlun. Umsóknareyðublað sjóðsins er á rafrænu formi. Til þess að nálgast umsóknareyðublaðið þarf að tengjast umsóknarkerfi Rannís .

Sýniseintak

Einföldun í umsóknakerfi fyrir atvinnuleikhópa/listamannalaunaumsóknir

Ætli atvinnuleikhópur að sækja um styrk til leiklistarráðs/atvinnuleikhópa og einnig um listamannalaun/sviðslist, nægir að fylla út umsóknarform atvinnuleikhópa. Sé fyllt út í viðeigandi reit hjá þátttakanda, gildir umsóknin einnig til listamannalauna.

Leiðbeiningar við umsóknargerð

Í fjárhagsáætlun skal gera grein fyrir heildarkostnaði verkefnisins. Ef sótt er um styrki til annarra sjóða eða um starfslaun listamanna, skal tilgreina það í umsókn.

ATHUGIÐ að þegar umsókn atvinnuleikhóps til leiklistarráðs á einnig að gilda sem umsókn um listamannalaun í launasjóð sviðslistafólks verður um tvær umsóknir að ræða þ.e. sér umsóknarnúmer fyrir hvorn sjóð gildir og umsýsla og mat verður aðskilið. Lög um listamannalaun (57/2009) og reglugerð um listamannalaun (834/2009) gilda um umsóknir um listamannalaun og ferli þeirra. Sjá einnig áherslur stjórnar listamannalauna.

Sviðslistamenn sem hyggjast einungis sækja um listamannalaun (ekki um styrk til leiklistarráðs), senda inn umsóknir í gegnum umsóknarform  listamannalauna - sendir hver og einn inn sína einstaklingsumsókn; sé um samstarf að ræða er gert grein fyrir því í umsókninni, í samræmi við áherslur stjórnar listamannalauna .

Viðhengi

Með umsókn skulu fylgja staðfest gögn frá samstarfsaðilum sem og önnur gögn til stuðnings umsókn, svo sem ferilskrár, handrit og annað slíkt. Ferilskrár eiga að vera saman í einni skrá.

Aðeins er tekið við rafrænum gögnum í gegnum umsóknarkerfið.

Samstarfsverkefni til tveggja ára eða lengur

Ráðherra er heimilt samkvæmt leiklistarlögum (138/1998) að gera tímabundinn samning við rekstraraðila atvinnuleikhúss og hlutaðeigandi sveitarfélag eða sveitarfélög um fjárstuðning við leikhúsið, með fyrirvara um fjárveitingar í fjárlögum á samningstímanum. Samningur felur þá í sér nokkur verkefni/uppsetningar til a.m.k. 2 ára og þarf mótframlag sveitarfélags að vera tryggt og jafnhátt atvinnuleikhópastyrknum.

Um samstarfsverkefni gildir að fylla út umsóknir fyrir hvert einstakt verk og síðan samstarfssamnings-skjal með upplýsingum um samstarfsaðila, fjárhagsáætlun og væntanlegt mótframlag. Skjalið á að senda sem viðhengi á atvinnuleikhopar@rannis.is

 







Þetta vefsvæði byggir á Eplica