Nýsköpunarverðlaun forseta Íslands

Nýsköpunarverðlaun forseta Íslands eru árlega veitt þeim námsmönnum sem hafa unnið framúrskarandi starf við úrlausn verkefnis sem styrkt var af Nýsköpunarsjóði námsmanna.

Verðlaunin voru fyrst veitt í ársbyrjun 1996 og hafa síðan verið veitt á ári hverju við hátíðlega athöfn á Bessastöðum. Allir nemendur sem skila inn lokaskýrslu fyrir auglýstan frest koma til greina við veitingu verðlaunanna.

Árlega velur stjórn Nýsköpunarsjóðs námsmanna um 10-15 verkefni sem unnin eru á árinu sem úrvalsverkefni. Af þeim eru svo 5-6 verkefni valin sem öndvegisverkefni og hljóta þau tilnefningu til Nýsköpunarverðlauna forseta Íslands. Stjórn Nýsköpunarsjóðs námsmanna byggir mat sitt á verkefnum á mati fagráða sjóðsins, sem eru fimm:  

1. fagráð á sviði heilbrigðisvísinda,
2. fagráð á sviði verkfræði, tæknivísinda og raunvísinda,
3. fagráð á sviði náttúru- og umhverfisvísinda.
4. fagráð á sviði hugvísinda og
5. fagráð á sviði félagsvísinda

Yfirlit yfir verðlaunahafa og verkefni sem hlotið hafa sérstakar viðurkenningar

Hægt er að smella á titil verðlaunaverkefna (frá árinu 2010) til að fá nánari upplýsingar um verkefnið.

2021: Betri samskipti við sjúklinga sem bíða innlagnar og meðferðar á sjúkrahúsinu Vogi

Ari Kvaran, Sunneva Sól Ívarsdóttir og Þórdís Rögn Jónsdóttir, nemar í iðnaðarverkfræði við Háskóla Íslands og Ísól Sigurðardóttur, nemi í tölvunarfræði við Háskólann í Reykjavík hlutu verðlaunin fyrir verkefnið Betri samskipti við sjúklinga sem bíða innlagnar og meðferðar á sjúkrahúsinu Vogi . Leiðbeinendur voru Guðmundur Valur Oddsson, Rögnvaldur Jóhann Sæmundsson og Tómas Philip Rúnarsson, prófessorar á verkfræði- og náttúruvísindasviði Háskóla Íslands og Valgerður Árný Rúnarsdóttir, yfirlæknir á sjúkrahúsinu Vogi.

Fimm önnur verkefni fengu sérstaka viðurkenningu:

Aukið aðgengi að hugrænni atferlismeðferð (HAM): Hugmynd að borðspili
Verkefnið var unnið af Elvu Björg Elvarsdóttur, Elvu Lísu Sveinsdóttur, Hildi Lovísu Hlynsdóttur, Söru Margréti Jóhannesdóttur og Kristínu Rós Sigurðardóttur, nemum í sálfræði við Háskólann í Reykjavík. Leiðbeinendur voru María Kristín Jónsdóttir, dósent við sálfræðideild Háskólans í Reykjavík og Álfheiður Guðmundsdóttir, sálfræðingur hjá þjónustumiðstöð Breiðholts.

Heilaörvun með nýtingu vefþjóns
Verkefnið var unnið af þeim Bjarka Frey Sveinbjarnarsyni og Hafþóri Hákonarsyni nemendum við tölvunarfræðideild Háskólans í Reykjavík. Leiðbeinandi var Gylfi Þór Guðmundsson, aðjúnkt við sömu deild.

Hreinsun skólps með himnum á Íslandi
Verkefnið var unnið af Ihtisham UI Haq Shami og Sif Guðjónsdóttur, nemum í umhverfisverkfræði við verkfræði- og náttúruvísindasvið Háskóla Íslands. Leiðbeinandi var Bing Wu, prófessor í umhverfis- og byggingarverkfræðideild Háskóla Íslands.

Óróasjáin “Tremv” - Ný forritseining fyrir jarðskjálftakerfið SeisComP
Verkefnið var unnið af Bethany Vanderhoof, meistaranema í jarðskjálftafræði við Háskóla Íslands og Þórði Ágústi Karlssyni, nema í tölvunarfræði við Háskóla Íslands undir leiðsögn Kristínar Jónsdóttur, hópstjóra náttúruvárvöktunar á Veðurstofu Íslands og Bjarna K. Leifssonar, sérfræðings í rekstri og umsjón flókinna úrvinnslukerfa á Veðurstofunni.

Sálfræðileg einkenni íslenskra knattspyrnuiðkenda: Kynning og fræðsla
Verkefnið var unnið af Grími Gunnarssyni, MSc nema í klínískri sálfræði við Háskólann í Reykjavík. Leiðbeinendur hans voru dr. Hafrún Kristjánsdóttir, sálfræðingur og forseti íþróttadeildar Háskólans í Reykjavík og Arnar Þór Viðarsson, yfirmaður knattspyrnumála á Íslandi og landsliðsþjálfari A-landsliðs karla.

Allir tilnefndir styrkþegar sjóðsins fengu viðurkenningarskjal undirritað af forseta Íslands.

2020: Tengsl óeðlilegs blóðhags við bráða fylgikvilla og langtíma útkomu eftir skurðaðgerðir

Halldór Bjarki Ólafsson, nemi í læknisfræði við læknadeild Háskóla Íslands, hlaut verðlaunin fyrir verkefnið Tengsl óeðlilegs blóðhags við bráða fylgikvilla og langtíma útkomu eftirskurðaðgerðir. Leiðbeinandi var Martin Ingi Sigurðsson, sérfræðingur í svæfinga- og gjörgæslulækningum, Landspítala og kennari við Háskóla Íslands.

Fjögur önnur verkefni fengu sérstaka viðurkenningu:

Litun sjávarleðurs úr íslenskum plöntum
Verkefnið var unnið af Sigmundi Páli Freysteinssyni, nema í fatahönnun við hönnunar- og arkitektúrdeild Listaháskóla Íslands. Leiðbeinandi var Katrín María Káradóttir, aðjúnkt og fagstjóri fatahönnunarbrautar, Listaháskóla Íslands.

Möguleikar melgresis (Leymus arenarius)
Verkefnið var unnið af Signýju Jónsdóttur og Sveini Steinari Benediktssyni, nemum í hönnun við Listaháskóla Íslands, í samstarfi við Landgræðsluna, Listaháskóla Íslands og Kjartan Óla Guðmundsson vöruhönnuð og matreiðslumann. Leiðbeinendur verkefnisins voru Garðar Eyjólfsson, fagstjóri meistaranáms í hönnun við Listaháskóla Íslands, Magnús H. Jóhannsson, sviðsstjóri þróunarsviðs Landgræðslunnar og Rúna Thors, fagstjóri vöruhönnunar við Listaháskóla Íslands.

Notendahugbúnaður Wave
Verkefnið var unnið af þeim Eddu Pétursdóttur, meistaranema í hugbúnaðarverkfræði við Háskólann í Reykjavik og Freyju Sigurgísladóttur, nema í tölvunarfræði við Háskóla Íslands. Leiðbeinendur voru þeir Ólafur Bjarki Bogason, Haraldur Hugosson, Daníel Grétarsson og Jón Helgi Hólmgeirsson, stofnendur Genki Instruments.

Nýjar afurðir þörunga

Verkefnið var unnið af Hildi Margréti Gunnarsdóttur og Snædísi Guðrúnu Guðmundsdóttur, nemum í heilbrigðisverkfræði við tækni- og verkfræðideild Háskólans í Reykjavík. Verkefnið var unnið í samstarfi við fyrirtækið SagaNatura. Leiðbeinendur voru Gissur Örlygsson, verkefnastjóri Nýsköpunarmiðstöð Íslands, Lilja Kjalarsdóttir, Halla Jónsdóttir, Sigurbjörn Einarsson og Páll Arnar Hauksson hjá SagaNatura.

2019: Þróun á algrími til að finna örvökur í sofandi einstaklingum með því að skoða önnur lífmerki en heilarit og sannprófun á aðferð til að greina orsakir kæfisvefns með stóru gagnasafni

Eysteinn Gunnlaugsson, meistaranemi í tölvunarfræði við Kungliga Tekniska högskolan í Svíþjóð, Hanna Ragnarsdóttir, nemi við tölvunarfræðideild Háskólans í Reykjavík, Heiðar Már Þráinsson, nemi á verkfræði- og náttúruvísindasviði Háskóla Íslands og Róbert Ingi Huldarsson, nemi á verkfræði- og náttúruvísindasviði Háskóla Íslands hlutu verðlaunin fyrir verkefnið Þróun á algrími til að finna örvökur ísofandi einstaklingum með því að skoða önnur lífmerki en heilarit og sannprófuná aðferð til að greina orsakir kæfisvefns með stóru gagnasafni. Leiðbeinendur þeirra voru Halla Helgadóttir og Jón Skírnir Ágústsson, yfirmenn á rannsóknarsviði Nox Medical.

Fjögur önnur verkefni fengu sérstaka viðurkenningu:

Áhættureiknir fyrir bráðar endurinnlagnir sjúklinga á legudeildir geðsviðs Landspítala
Verkefnið var unnið af Brynjólfi Gauta Jónssyni nema á verkfræði- og náttúruvísindasviði Háskóla Íslands og Þórarni Jónmundssyni, nema við raunvísindadeild Háskóla Íslands. Leiðbeinendur voru Ragnar Pétur Ólafsson, dósent á heilbrigðisvísindasviði Háskóla Íslands, Sigrún Helga Lund, tölfræðingur hjá Íslenskri erfðagreiningu og Thor Aspelund, prófessor á heilbrigðisvísindasviði Háskóla Íslands.

Hlutverk heilahimnumastfrumna í mígreni. Verkefnið var unnið af Valgerði Jakobínu Hjaltalín, nema á verk- og náttúruvísindasviði Háskóla Íslands. Leiðbeinandi var Pétur Henry Petersen, dósent á heilbrigðisivísindasviði Háskóla Íslands.

Hugbúnaður til aðstoðar við röðun skurðaðgerða. Verkefnið var unnið af Andra Páli Alfreðssyni, Gunnari Kolbeinssyni og Helga Hilmarssyni nemum á verkfræði- og náttúruvísindasviði Háskóla Íslands. Leiðbeinendur voru Rögnvaldur Jóhann Sæmundsson, dósent á verkfræði- og náttúruvísindasviði Háskóla Íslands, Tómas Philip Rúnarsson, prófessor á verkfræði- og náttúruvísindasviði Háskóla Íslands og Vigdís Hallgrímsdóttir, verkefnisstjóri á aðgerðasviði Landspítla - háskólasjúkrahúsi.

Nýjar leiðir í innnleiðingarferli stefnumótunar við eflingu máls og læsis á frístundaheimilum. Verkefnið var unnið af Fatou N'dure Baboudóttur og Tinnu Björk Helgadóttur, nemendum á félagsvísindasviði Háskóla Íslands, í samstarfi við og með stuðningi skóla- og frístundasviðs Reykjavíkurborgar. Umsjónarmaður verkefnisins var Margrét S. Björnsdóttir, aðjúnkt við stjórnmálafræðideild Háskóla Íslands.

2018: Lúpína í nýju ljósi, lífrænt hráefni í umhverfisvæna afurð

Elín Sigríður Harðardóttir og Inga Kristín Guðlaugsdóttir, nemendur í grunnnámi vöruhönnunar við Listaháskóla Íslands, hlutu verðlaunin fyrir verkefnið  Lúpína í nýju ljósi, lífrænt hráefni í umhverfisvæna afurð . Leiðbeinendur þeirra voru Magnús H. Jóhannsson, sviðsstjóri þróunarsviðs Landgræðslu ríkisins, og Thomas Pausz, lektor við Listaháskóla Íslands. 

Fjögur önnur verkefni fengu sérstaka viðurkenningu:

Notkun hágæðaloftmynda frá flygildum við vistfræðirannsóknir. Verkefnið var unnið af Benedikt Traustasyni og Hlyni Steinssyni, BS-nemum í líffræði við Háskóla Íslands, í samstarfi við sprotafyrirtækið Svarma ehf. Leiðbeinendur voru Kristín Svavarsdóttir plöntuvistfræðingur, Þóra Ellen Þórhallsdóttir, prófessor við Háskóla Íslands, og Victor Madrigal sérfræðingur í fjarkönnun.

Reikningar á brothættu beina hjá sjúklingum sem eru að gangast undir heildar mjaðmaskiptaaðgerð. Verkefnið var unnið af Gunnari Hákoni Karlssyni og Halldóri Ásgeiri Risten Svanssyni, nemum í heilbrigðisverkfræði við Háskólann í Reykjavík. Leiðbeinendur voru Paolo Gargiulo, dósent við tækni- og verkfræðideild Háskólans í Reykjavík, Magnús Kjartan Gíslason, lektor við tækni- og verkfræðideild Háskólans í Reykjavík, Kyle Edmunds, aðjúnkt við tækni- og verkfræðideild Háskólans í Reykjavík, Halldór Jónsson Jr., prófessor við læknadeild Háskóla Íslands og bæklunarlæknir við Landspítala háskólasjúkrahús.

Trippi – Tveir ótamdir hönnuðir kanna nýtingarmöguleika íslenskra hrosshúða. Verkefnið var unnið af fatahönnuðinum Kristínu Karlsdóttur og vöruhönnuðinum Valdísi Steinarsdóttur. Þær eru báðar nýútskrifaðar frá Listaháskóla Íslands. Umsjónarmenn verkefnisins voru Linda Björg Árnadóttir, lektor í fatahönnun við Listaháskóla Íslands, og Rúna Thors, fagstjóri í vöruhönnun við Listaháskóla Íslands.

Þróun nýstárlegra vefjaræktunarkerfa til rannsókna á öndunarfærum og til lyfjarannsókna. Verkefnið var unnið af Gabriel Sölva Windels, BSc nema í heilbrigðisverkfræði við Háskólann í Reykjavík. Aðalleiðbeinandi var Jennifer Ann Kricker, PhD og verkefnisstjóri læknadeildar Háskóla Íslands, og þar voru Sævar Ingþórsson frumulíffræðingur ásamt Ara Jóni Arasyni, PhD og verkefnisstjóra við Rannsóknarstofnun í stofnfrumufræðum, meðleiðbeinendur. Verkefnið var unnið á Rannsóknarstofu í stofnfrumufræðum við Lífvísindasetur Háskóla Íslands þar sem Þórarinn Guðjónsson hafði umsjón með verkefninu.

2017: Áhættureiknir við meðhöndlun sjúklinga með mergæxli

Sölvi Rögnvaldsson, BS-nemi í hagnýttri stærðfræði við Háskóla Íslands, hlaut verðlaunin fyrir verkefnið  Áhættureiknir við meðhöndlun sjúklinga með mergæxli . 

Fjögur önnur verkefni fengu sérstaka viðurkenningu:

Framköllun fælniviðbragðs með sýndarveruleika. Verkefnið var unnið á Gervigreindarsetri Háskólans í Reykjavík af þeim Herði Má Hafsteinssyni, Ara Þórðarsyni og Gunnari Húna Björnssyni, í samstarfi við Íslenska erfðagreiningu og Nox Medical. Leiðbeinendur voru Hannes Högni Vilhjálmsson, dósent við tölvunarfræðideild Háskólans í Reykjavík og Bjarni V. Halldórsson dósent við tækni- og verkfræðideild Háskólans í Reykjavík og Íslenska erfðagreiningu.

Hulda: Hljóð- og ljósskúlptúr. Verkefnið var unnið af Lilju Maríu Ásmundsdóttur, nema frá Listaháskóla Íslands, undir handleiðslu Berglindar Maríu Tómasdóttur, dósents í flutningi og miðlun samtímatónlistar við Listaháskóla Íslands, og Jóns Marinós Jónssonar fiðlusmiðs.

Kortlagning taugabrauta sameinuð þrívíddarmódelum til stuðnings við undirbúning heilaskurðaðgerða. Verkefnið var unnið af Írisi Dröfn Árnadóttur, meistaranema við Háskólann í Reykjavík. Leiðbeinendur voru Paolo Gargiulo, dósent við tækni- og verkfræðideild Háskólans í Reykjavík og Landspítala-háskólasjúkrahús, og Ingvar Hákon Ólafsson, heila- og taugalæknir við Landspítala-háskólasjúkrahús.

Ræktun smáþörunga, nýr íslenskur hátækniiðnaður. Verkefnið var unnið af Bergþóri Traustasyni, nemanda í verkfræðilegri eðlisfræði, og Tryggva E. Mathiesen og Unni Elísabetu Stefánsdóttur, sem bæði stunda nám í matvælafræði við Háskóla Íslands. Leiðbeinendur verkefnisins komu frá Nýsköpunarmiðstöð Íslands, þeir Gissur Örlygsson, verkefnastjóri - örtækni og heilsutækni, og Kristján Leósson framkvæmdastjóri, og frá Keynatura þau Halla Jónsdóttir, yfirmaður rannsókna og þróunar, Sigurbjörn Einarsson líffræðingur og Sjöfn Sigurgísladóttir framkvæmdastjóri.

2016: Þekkirðu fuglinn?

Birgitta Steingrímsdóttir og Heiðdís Inga Hilmarsdóttir nemar frá Háskóla Íslands og Listaháskóla Íslands hlutu verðlaunin fyrir verkefnið Þekkirðu fuglinn? Rannsókn á fuglafræðiþekkingu barna og þróun og gerð spils sem gerir þeim kleift að læra í gegnum leik.

Þrjú önnur verkefni fengu sérstaka viðurkenningu:

• Innigarður: Heimaræktunarkerfi fyrir kryddjurtir byggt á vatnsgeli unnu úr brúnþörungum. Verkefnið var unnið af Brynju Þóru Guðnadóttur, nemanda við Listaháskóla Íslands, og Grétari Guðmundssyni, nemanda við Háskóla Íslands, í samstarfi við Matís ohf. Leiðbeinendur voru Ragnheiður I. Þórarinsdóttir, Svinnu, Valgerður T. Gunnarsdóttir, Listaháskóla Íslands, og Gissur Örlygsson, Nýsköpunarmiðstöð Íslands.
• Íðorðasafn og myndun nýrra íðorða í lífvísindum. Verkefnið var unnið af Einari Lövdahl Gunnlaugssyni, nemanda við Háskóla Íslands, í samstarfi við Líffræðifélag Íslands, Stofnun Árna Magnússonar í íslenskum fræðum og Lífvísindasetur Háskóla Íslands. Leiðbeinendur voru Ágústa Þorbergsdóttir, Stofnun Árna Magnússonar í íslenskum fræðum, og Erna Magnúsdóttir, Háskóla Íslands.
• Náttúrutúlkun á grænum svæðum í Reykjavík: Stöðumat og nýjar lausnir fyrir ferðamenn og íbúa. Verkefnið var unnið af Shauna Laurel Jones og Guðbjörgu Runólfsdóttur, nemendum við Háskóla Íslands, í samstarfi við Reykjavíkurborg. Leiðbeinendur voru Snorri Sigurðsson, Reykjavíkurborg, og Katrín Anna Lund, Háskóla Íslands.

2015: Sjálfvirkt gæðamat augnbotnamynda

Benedikt Atli Jónsson nemi frá Háskóla Íslands hlaut verðlaunin fyrir verkefnið Sjálfvirkt gæðamat augnbotnamynda.

Fjögur önnur verkefni fengu sérstaka viðurkenningu:

• Aukin verðmæti úr vinnslu á karfa (Sebastes) - Rannsók á efnsamsetningu og lífvirkni slíms úr karfaaugum. Verkefnið var unnið af  Friðriki Þór Bjarnasyni, Háskólanum á Akureyri, í samstarfi Háskólans á Akureyri og Matís ohf.
• Eden hugmyndafræðin og hlýleiki á Öldrunarheimilum Akureyrar. Verkefnið var unnið af Maríu Guðnadóttur, nemanda við Háskóla Íslands, í samstarfi við Öldrunarheimili Akureyrar.
• Íslenskir þjóðstígar: stefnumótun um gönguleiðir á Íslandi. Verkefnið var unnið af Gísla Rafni Guðmundssyni, nemanda við Háskólann í Lundi, í samstarfi EFLU hf, verkfræðistofu og Ferðamálastofu.
• Íslenskuþorpið; leið til þátttöku í samskiptum á íslensku. Verkefnið var unnið af Edvardas Paskevicius, nemanda við Háskóla Íslands. 

2014: Hjólaleiðir á Íslandi

Eva Dís Þórðardóttir nemi úr Háskólanum í Reykjavík og Gísli Rafn Guðmundsson nemi við Háskólann í Lundi, Svíþjóð hlutu verðlaunin fyrir verkefnið  Hjólaleiðir á Íslandi.

Fjögur önnur verkefni fengu sérstaka viðurkenningu:

• Hönnun á rafsegulfastefni. Verkefnið var unnið af Fannari Benedikt Guðmundssyni, nemanda við Háskóla Íslands, í samstarfi við Össur hf.
• Myndræn framsetning uppskrifta. Verkefnið var unnið af þeim Kai Köhn, Karli Andrési Gíslasyni og Marinó Páli Valdimarssyni, nemendum við Delft University of Technology í samstarfi við Háskóla Íslands.
• Myndræn málfræði fyrir börn greind  með einhverfu og málhömlun. Verkefnið var unnið af Karenu Kristínu Ralston, nemanda við Háskóla Íslands í samstarfi við Grunnskóla Hjallastefnunnar, Garðabæ.
• Útsetningar á íslenskum þjóðlögum fyrir einleiksfiðlu og fiðludúó. Verkefnið var unnið af Sigrúnu Harðardóttur, nemanda við University of Denver, Lamont School of Music í samstarfi við Sinfóníuhljómsveit Íslands og Listaháskóla Íslands

2013: OM - hönnun, þróun og smíði nýs hljóðfæris

Úlfur Hansson nemi við Listaháskóla Íslands, hlaut verðlaunin fyrir verkefnið OM - hönnun, þróun og smíði nýs hljóðfæris . Hljóðfærið er nýstárleg 26 strengja rafstrokin harpa sem síðar hlaut nafnið OHM.

Fjögur önnur verkefni fengu sérstaka viðurkenningu:

• Notkun þrívíddarmódels og staðsetningartækja við undirbúning skurðaðgerða á höfði. Verkefnið var unnið af Sigrúnu Björk Sævarsdóttur nema í heilbrigðisverkfræði við HR í samstarfi við Landspítalann.
• Prófun á nýjum hröðunarnema til að meta stökkkraft. Verkefnið var unnið af Ásdísi Magnúsdóttur nema í sjúkraþjálfun við HÍ í samstarfi við KÍNE og HR.
• Reynslusögur kvenna á Akureyri frá seinni heimsstyrjöldinni. Verkefnið var unnið af Önnu Kristínu Gunnarsdóttur nema í almennri bókmenntafræði við HÍ í samstarfi við Stofnun Árna Magnússonar í íslenskum fræðum.
• Ströndin og skógurinn: útivistarnotkun og sóknarfæri. Verkefnið unnið af Sindra Birgissyni nema í skipulagsfræðum við LBHÍ í samstarfi við Akraneskaupstað og LBHÍ.

Verðlaunagripurinn 2013 var mynd eftir Bjargeyju Ólafsdóttur og að auki fengu öll öndvegisverkefnin teikningu eftir Sunnu Ben og viðurkenningarskjal frá forseta Íslands.

2012: Áhættureiknir fyrir hjarta- og kransæðasjúkdóma hjá öldruðum

Vilhjálmur Steingrímsson, nemi í læknisfræði við Háskóla Íslands, hlaut verðlaunin fyrir verkefnið Áhættureiknir fyrir hjarta- og kransæðasjúkdóma hjá öldruðum.

Fimm önnur verkefni fengu sérstaka viðurkenningu:

• Bætt nýtni í íslenskri grænmetisrækt. Verkefnið var unnið af Darra Eyþórssyni HÍ og Einari Margeiri Kristinssyni.
• Eyðibýli á Íslandi: Rannsókn á eyðibýlum og yfirgefnum húsum í Austur-Skaftafellssýslu, Vestur-Skaftafellssýslu og Rangárvallasýslu sumarið 2011. Unnið af Arnþóri Tryggvasyni LHÍ, Árna Gíslasyni HÍ, Birki Ingibjartssyni LHÍ, Steinunni Eik Egilsdóttur LHÍ og Yngva Karli Sigurjónssyni LHÍ.
• Greining prentgripa fyrir safneignir, bókarkápur og veggspjöld. Verkefnið var unnið af Örnu Rún Gústafsdóttur, LHÍ.
• Jarðsegulsviðshermir. Verkefnið var unnið af Andrési Gunnarssyni, HÍ.
• Þróun aðferða við mat og viðgerðir á landi eftir akstur utan vega. Verkefnið var unnið af Önnu Sigríði Valdimarsdóttur og Helga Guðjónssyni HÍ.

Verðlaunagripurinn var Hnallur.

2011: Pantið áhrifin frá Móður jörð

Verðlaunin hlutu þrír nemendur Listaháskóla Íslands, þau Auður Ösp Guðmundsdóttir, Embla Vigfúsdóttir og Katharina Lötzsch, ásamt Robert Petersen frá Háskólanum í Gautaborg fyrir verkefnið Pantið áhrifin frá Móður jörð .

Fimm önnur verkefni fengu sérstaka viðurkenningu:

• MindGames: Hugþjálfunarleikir, unnið af Jóni Trausta Arasyni og Hamid Pourvatan úr HR og Kötlu Rós Völudóttur og Ragnari Má Nikulássyni úr Listaháskóla Íslands.
• Vistland: Rannsókn á möguleikum sjálfbærni í íslenskum arkitektúr og húsagerð, unnið af Darra Úlfssyni, Björgvini Óla Friðgeirssyni, Kötlu Maríudóttur, Snorra Þór Tryggvasyni og Baldri Helga Snorrasyni úr Listaháskóla Íslands.
• Neðansjávarlágtíðnihljóðbylgjuaflgjafi, unnið af Jóni Val Valssyni, tækni- og verkfræðideild Háskólans í Reykjavík.
• Umhverfiskostnaður sem hluti af reiknilíkani jarðhitavirkjana, unnið af Kristrúnu Gunnarsdóttur, umhverfis- og verkfræðiskor Háskóla Íslands.
• Vindhraðamælingar og sambreytni vinds á Íslandi, unnið af Jóni Blöndal, stærðfræðiskor og Teiti Birgissyni, iðnaðarverkfræðiskor Háskóla Íslands.

2010: Súrefnis- og hjartsláttarnemi

Verðlaunin hlaut Ásgeir Bjarnason fyrir verkefnið Súrefnis- og hjartsláttarnemi. Ásgeir stundar meistaranám í heilbrigðisverkfræði í Finnlandi en var nemandi við Háskólann í Reykjavík þegar hann vann að verkefninu.

Fjögur verkefni fengu sérstaka viðurkenningu:

• Arfgeng heilablæðing, unnið af Birni Þór Aðalsteinssyni
• Fornleifar á eyðidal: skráning og kynning á fornum minjum í Seljadal, unnið af Ástu Hermannsdóttur.
• Sjálfvirki lestrar- og sýndarkennarinn, unnið af Gunnari Stein Valgarðssyni.
• Arctic snakk, unnið af Eddu Jónu Gylfadóttur, Guðrúnu Björk Jónsdóttur, Helgu Björgu Jónasardóttur og Guðrúnu Hjörleifsdóttur.

2009: Gönguhermir

Verðlaunin hlutu Andri Yngvason, Bjarki Már Elíasson og Jóna Guðný Arthúrsdóttir fyrir verkefnið Gönguhermir.

Fjögur verkefni fengu sérstaka viðurkenningu:

• Stökklar og stökkbreytingar í erfðaefni mannsins, unnið af Martin Inga Sigurðssyni (hlaut sérstaka viðurkenningu dómnefndar).
• Bætibakteríur - Hin hliðin, unnið af Hugrúnu Lísu Heimisdóttur.
• Hvernig haga einstæðir foreldrar fæðingarorlofi?, unnið af Guðnýju Björk Eydal.
• Framleiðsla etanóls úr hýdrólýsötum með hitakærum bacterium, unnið af Máneyju Sveinsdóttur.

2008: Rafskautanet fyrir fingurendurhæfi

Verðlaunin hlutu Arna Óskarsdóttir og Tinna Ósk Þórarinsdóttir fyrir verkefnið Rafskautanet fyrir fingurendurhæfi.
Fimm önnur verkefni fengu sérstaka viðurkenningu:

• Gráa gullið, unnið af Sigurlaugu R. Sævarsdóttur.
• Pattern Finder - Greiningarforrit til munsturgreiningar, unnið af Gunnsteini Hall.
• ICCE - Icelandic Carbon Credit Exchange, unnið af Bergþóru Arnarsdóttur.
• Mælingar á þéttleikabreytingum í aftauguðum rýrum vöðvum, unnið af Guðfinnu Halldórsdóttur.
• Víxlflæði á súrefni milli æða í sjónhimnu manna, unnið af Agli Axfjörð Friðgeirssyni.

2007: Áhrif aldurs á utangenamerki mannsins

Verðlaunin hlaut Martin Ingi Sigurðsson fyrir verkefnið: Áhrif aldurs á utangenamerki mannsins.

Fjögur verkefni fengu sérstaka viðurkenningu:

• Geo-Breeze, unnið af Hildigunni Jónsdóttur og Valdimar Olsen.
• Nýsköpun í sýndarverum, unnið af Hrafni Þorra Þórissyni.
• Rafmagnsflugan, verkefni unnið af Steinþóri Bragasyni.
• Þráðlaus mæling stökkkrafts, verkefni unnið af Guðfinnu Halldórsdóttur og Birni Ómarssyni.

2006: Sport Cool - Ný tækni til að lina þjáningar við íþróttameiðsl

Verðlaunin hlutu Jón Steinar Garðarsson Mýrdal og Sigurður Örn Aðalgeirsson fyrir verkefnið: Sport Cool - Ný tækni til að lina þjáningar við íþróttameiðsl.

Þrjú verkefni fengu sérstaka viðurkenningu:

• EVE-Mobile - Fjaðurvigtarviðmót á leikinn EVE-online, unnið af Andra Mar Jónssyni og  Ágústi Hlyni Hólmgeirssyni.
• Unicode tölvuletur fyrir íslensk og færeysk fræði, unnið af Bjarka Má Karlssyni.
• Silikon sem burðarkerfi fyrir lífvirk efni, unnið af Reyni Scheving.

2005: Öryggismál í mannþröng í miðbæ Reykjavíkur - hermun skyndilegrar rýmingar Miðbæjarins

Verðlaunin hlutu Björn Björnsson og Gunnar Örn Erlingsson fyrir verkefnið: Öryggismál í mannþröng í miðbæ Reykjavíkur - hermun skyndilegrar rýmingar Miðbæjarins.

Þrjú verkefni fengu sérstaka viðukenningu:

• Nýting afgass háhitasvæða, unnið af Steinari Yan Wang.
• Íslenskt lestrarpróf fyrir fyrsta til fjórða bekk, unnið af Sigrúnu Sif Jóelsdóttur og Valgerði Ólafsdóttur.
• Notandi spyr notanda - nýtt atvinnutækifæri geðsjúkra, unnið af Hörpu Ýr Erlendsdóttur og Valdísi Brá Þorsteinsdóttur.

2004: Meðhöndlun fyrirspurna í tónlistargagnagrunna

Verðlaunin hlutu fjórir nemendur úr tölvunarfræðideild HR fyrir rannsóknir sínar á meðhöndlun fyrirspurna í tónlistargagnagrunna. Nemendurnir eru Freyr Guðmundsson, Gunnar Einarsson, Jóhann Grétarsson og Ólafur Örvar Guðjónsson.

Þrjú verkefni fengu sérstaka viðurkenningu:

• Snýkjudýrasýkingar í hreindýrskálfum, unnið af Berglindi Guðmundsdóttur.
• Möguleikar Íslands á sviði alþjóðlegrar bankastarfsemi, unnið af Skúla Sveinssyni.
• Völd, tengsl og eðli nefnda, stjórna og ráða hjá hinu opinbera og fyrirtækja skráðum hjá Kauphöll Íslands - þátttaka kvenna, unnið af Bryndísi Ísfold Hlöðversdóttur.