Spurt og svarað

Vinsamlegast hjálpið okkur að uppfæra þessa síðu um „spurt og svarað“. Sendið okkur línu ef þið voruð með spurningu almenns eðlis og fundið ekki svar við henni hér eða fannst svarið ekki nógu skýrt.
listamannalaun@rannis.is 

Hverjir geta sótt um?

  • Sjálfstætt starfandi hönnuðir, myndlistarmenn, rithöfundar, sviðslistafólk, tónlistarflytjendur og tónskáld.
  • Einstaklingar sækja um laun: Ef fleiri en einn að starfa að sama verkefni sækir hver og einn um fyrir sig en tilgreinir samstarfsaðila í umsókn.

Má sækja um á ensku?

  • Umsókn má vera á ensku en umsóknarformið er á íslensku.

Hvaða vafra er best að nota og hverja á að forðast?

  • Mælt er með því að nota Chrome vafra.
  • Ekki er hægt að nota vafrana Internet Explorer, eldri útgáfur af Microsoft Edge eða Safari við útfyllingu umsókna.
  • Hafið ekki tvær umsóknir opnar samtímis í sama vafra – þá vistast ekki upplýsingar

Hvernig er umsóknarkerfið?

  • Notast er við rafræn skilríki í snjallsíma eða íslykil. Hægt er að stofna fleiri en eina umsókn en aðeins skal skila inn einni í hvern sjóð (sjá spurninguna "Skila ég inn einni umsókn eða fleiri").
  • Umsókn verður ekki gild fyrr en ýtt er á „senda inn“ á lokasíðu umsóknarformsins (5.1).
    Þar er hægt að skoða umsókn í pdf skjali.
  • Vistið eftir hvert skref (síðu) í umsóknarforminu.
  • Ef farið er út úr umsókn er hægt að fara inn aftur á mínum síðum. Umsóknir í vinnslu er fremst þegar komið er inn á mínar síður.
  • Umsóknarblaðið leiðir umsækjanda áfram og margir reitir eru skyldureitir – úthlutanir fyrri ára koma sjálfkrafa fram.
  • Aðgang að umsóknarkerfinu er að finna á forsíðu sjóðsins.

Hver er umsóknarfrestur? Get ég lent í vandræðum á lokadegi?

  • Eindregið er mælt með að sækja um með góðum fyrirvara og forðast tímaþröng á síðasta degi.
  • Á lokadegi getur kerfið verið þungt í vöfum vegna álags og hugsanlega leitt til vandræða við frágang umsóknar.
  • Ef umsækjandi er að senda umsókn á síðustu stundu (eftir að hægt er að fá aðstoð/ráðgjöf hjá Rannís) og lendir í tæknilegum vandræðum tengdum umsóknarkerfi Rannís þarf að TILKYNNA það með tölvupósti ÁÐUR EN UMSÓKNARFRESTI LÝKUR og helst að láta skjáskot sem sýna vandamálið fylgja með. Kvartanir um tæknileg vandamál sem berast eftir að umsóknarfrestur er liðinn verða ekki teknar til greina. 
  • Vandamál ótengd umsóknarkerfi Rannís eru að öllu jöfnu ekki tekin til greina og vísað til þess að opið er fyrir umsóknir í 6 vikur eða lengur. Tilkynningar um slík vandamál sem berast eftir umsóknarfrest eru ekki teknar til greina.

Skila ég inn einni umsókn eða fleiri?

  • Listamaður getur aðeins sent inn eina umsókn í sama sjóðinn. Ætli listamaður að vinna að ólíkum verkefnum (t.d. ljóðabók og skáldsögu) tilgreinir hann þau í einni og sömu umsókninni. Komi inn fleiri en ein umsókn frá listamanni í sama sjóð, gildir aðeins ein umsókn, sú nýjasta.
  • Ef listamaður er með verkefni á fleiri en einu sviði (t.d. myndlistar og tónskálda), getur viðkomandi sent inn umsókn í sitt hvorn sjóðinn fyrir það verkefni sem við á (t.d. myndlistarverkefnið í myndlist og tónskáldaverkefnið í tónskáld).

Fylgigögn - hvernig á að skila þeim inn?

  • Fylgigögn verða að koma með umsókninni í gegnum umsóknarkerfið. 
  • Ekki er tekið á móti fylgigögnum eftir að umsóknarfrestur er liðinn.

Ég get ekki sent umsóknina inn, hvað á ég að gera?

  • Ef það kemur rauð vísun í einhverja síðu umsóknarinnar á síðu "5.1. SKOÐA OG SKILA INN", átt þú eftir að klára eitthvað í umsókninni á þeirri síðu sem vísað er til. Ekki á að smella á rauða textann, heldur farðu á viðeigandi síðu, fylltu inn það sem vantaði og vistar.
  • Ef eitthvað annað er að hindra sendingu hafðu þá samband, s: 515 5838 eða 515 5839.
  • Ef umsækjandi er að senda umsókn á síðustu stundu (eftir að hægt er að fá aðstoð/ráðgjöf hjá Rannís) og lendir í tæknilegum vandræðum tengdum umsóknarkerfi Rannís þarf að TILKYNNA það með tölvupósti ÁÐUR EN UMSÓKNARFRESTI LÝKUR og helst að láta skjáskot sem sýna vandamálið fylgja með. Kvartanir um tæknileg vandamál sem berast eftir að umsóknarfrestur er liðinn verða ekki teknar til greina. 
  • Vandamál ótengd umsóknarkerfi Rannís eru að öllu jöfnu ekki tekin til greina og vísað til þess að opið er fyrir umsóknir í 6 vikur eða lengur. Tilkynningar um slík vandamál sem berast eftir umsóknarfrest eru ekki teknar til greina.

Hvernig veit ég að umsókn mín sé móttekin?

  • Þegar umsókn hefur verið send inn í sjóð, fær umsækjandi svar í netfang sitt ásamt pdf af umsókn. ATH: Stundum fer svar í ruslsíu póstforrits.
  • Ef póstur kemur ekki, er hægt að sjá innsendar umsóknir á mínum síðum. Farið inn á Mínar síður og þar í Umsóknir > Innsendar. Sé umsóknin þar er hún móttekin. Einnig er hægt að skoða PDF þar.

Hvenær get ég átt von á svari?

  • Stefnt er að því að niðurstaða liggi fyrir um miðjan janúar. Allir umsækjendur fá svör. Úthlutun mun einnig birtast á heimasíðu listamannalauna.
  • Sendi umsækjandi umsóknir í mismunandi sjóði, ætti að tilgreina það í hverri umsókn.

Framvinduskýrsla - við hvað á að merkja í lið 3.2 í umsóknarforminu?

  • Allir sem hafa fengið úthlutað listamannalaunum 2020 (einnig í vorátaki) eða fyrr eiga að skila inn framvinduskýrslu. Annars verður umsókn þeirra ekki tekin til umfjöllunar.
  • Þeir sem ekki hafa fengið úthlutað áður merkja við „Á ekki við - hef ekki hlotið listamannalaun áður“.
  • Nánari upplýsingar um framvinduskýrslu hér.

Atvinnuleikhópar og listamannalaun - tengist þetta?

  • Já. 
  • Umsókn í Atvinnuleikhópa felur í sér umsókn vegna kostnaðar við uppsetningu verkefnis og umsókna um starfslaun fyrir þátttakendur. Leiklistarráð tekur ákvörðun um hvort tveggja.
  • Aðeins er skilað einni umsókn fyrir hópinn í heild.

Hver er upphæð listamannalauna og fjöldi mánaða til úthlutunar?

  • Samkvæmt lögum um listamannalaun gildir að:
  • Starfslaun skulu nema 266.737 kr. á mánuði á verðlagi fjárlaga 2009. 
    Listamannalauna árið 2020 eru 407.413 kr. á mánuði. 
  • Launasjóður hönnuða veitir árlega starfslaun sem svara til 50 mánaðarlauna.
  • Launasjóður myndlistarmanna veitir árlega starfslaun sem svara til 435 mánaðarlauna.
  • Launasjóður rithöfunda veitir árlega starfslaun sem svara til 555 mánaðarlauna.
  • Launasjóður sviðslistafólks veitir árlega starfslaun sem svara til 190 mánaðarlauna.
  • Launasjóður tónlistarflytjenda veitir árlega starfslaun sem svara til 180 mánaðarlauna.
  • Launasjóður tónskálda veitir árlega starfslaun sem svara til 190 mánaðarlauna.

Hvernig eru úthlutunarnefndir skipaðar?

  • Þriggja manna úthlutunarnefndir starfa í hverjum sjóði skv. skipun menntamálaráðherra.







Þetta vefsvæði byggir á Eplica