Menning

Culture

Creative Europe kvikmynda og menningaráætlunin hefur gefið út myndband í samvinnu við Hjörleif Jónsson kvikmyndagerðarmann sem sýnir fjölbreytt yfirlit styrktra kvikmynda- og menningarverkefna með íslenskri þátttöku síðastliðin 7 ár.
Sjón er sögu ríkari:

Creative Europe myndband - yfirlit verkefna með íslenskri þátttöku sl. 7. ár

Hvernig verkefni?

• Verkefnum er ætlað að styðja við, þróa og kynna fjölbreytileika evrópskrar menningar og menningararfleifðar frá öllum málsvæðum.
• Verkefnum er ætlað að auka samkeppnishæfni og hagræna möguleika menningargeirans með sérstaka áherslu á kvikmyndir og margmiðlun.
• Gildistími verkefna í öllum flokkum er allt að 48 mánuðir.

Hvað er styrkt?

Þverfagleg verkefni eru styrkt, á öllum sviðum menningar og skapandi greina. Verkefnin þurfa að vera samstarf a.m.k. þriggja landa:

1. Samstarfsverkefni
2. Samstarfsnet fagfólks / starfandi net
3. Stærri samstarfsnet (platforms) þar sem evrópsku listafólki og verkum þeirra er komið á framfæri.
4. Þýðingarstyrkir evrópskra bókmennta fyrir útgefendur
5. Music Moves Europe
6. 6i-Portunus - ferðastyrkir til náms eða heimsókna skilgreindra listgreina, Tónlist, bókmenntir, arkitektúr, menningararfur. Sjá nánar.

Yfir alla flokka í Creative Europe Menningu.

Nánar um samstarfsverkefni

1. flokkur – Lítil samstarfsverkefni

Minnst þrír samstarfsaðilar frá þremur löndum.
Umsækjendur geta sótt um allt að 200.000€, 80% af gildum kostnaði en 20% er eigið framlag.

2. flokkur – Meðalstór samstarfsverkefni

Minnst fimm samstarfsaðilar frá jafnmörgum þátttökulöndum, þar af einn verkefnisstjóri.
Umsækjendur geta sótt um allt 1 milljón €, 70% af gildum kostnaði en 30% er eigið framlag.

3. flokkur – Stór samstarfsverkefni

Tíu samstarfsaðilar frá jafnmörgum þátttökuríkjum þar af einn verkefnisstjóri.
Umsækjendur geta sótt um allt að 2 milljónum€, 60% af gildum kostnaði en 40% er eigið framlag.

Hvernig er gott samstarf í menningarverkefnum?

Grunnþáttur samstarfsverkefna í Creative Europe er að tengja stofnanir og félög landa á milli og styrkja þannig listir og menningu a víðari grunni. Það kallar á kröftugt samstarf frá nokkrum löndum.

Lykilatriði í samstarfi

• Samstarfsaðilar sýna fram á evrópsk element. Verkefnið felur í sér mismunandi verkþætti með evrópska tengingu frá nokkrum löndum – og þátttakendur deila með sér reynslu og þekkingu sem nýtist í verkefninu. Þátttaka og framlag í samstarfinu er rökstudd þannig að aðilar raðist saman vegna þekkingar og tengsla við sviðið og verkefnishugmynd.
• Samstarfið hefur skýra byggingu og greinilega hlutverkaskipan. Eining væri um hlutverk hvers og eins, framkvæmd og tímalínu og sýnt er fram á þessa þætti í umsókn.
• Samstarfið byggi á sameiginlegri framkvæmd og jafnræði. Stjórnandi verkefnis á ekki að kalla eftir verkefnisvinnu fyrir sig og sínar þarfir heldur á evrópskt samstarf að byggja á alvöru framlegð allra.
• Samstarfsaðilar eiga að koma frá þátttökulöndum í áætluninni, sjá lista yfir þau lönd. Lönd utan Evrópu geta tekið þátt en þau væru utan þess min. fjölda sem verkefnisleiðbeiningar fara fram á.

Rétti samstarfsaðilinn – skoðaðu þitt eigið net með erlendum samstarfsaðilum sem að þú þekkir og hefur unnið með áður. Einnig gætu þeir aðilar vísað þér áfram innan þíns sviðs.

• Verkefnisbanki íslenskra þátttakenda
• Evrópskur verkefnabanki

Leit að samstarfaðilum - þú getur fundið skráða aðila eða skráðu þig í leit að samstarfi í ESB gagnagrunni.

• Finndu samstarfsaðila

Hlutverk samstarfsaðila –skal vera sýnilegt í verkefnisumsókn, styrkleikar, verkþættir og væntanlegar niðurstöður á verkefnistíma.

Samstarfsstyrkleikar – samvinna margra á að vera styrkleiki og möguleikar sem leiða til að bæta og breyta vinnulagi. Til að læra sem mest af samstarfi skiptir máli að vera opinn fyrir framlagi hvers og eins þó að stundum virki þær ruglingslegar og falli ekki inní þitt norm.

Samstarfshringur – það er gagnlegt að líta til samstarfsverkefnis sem eigið kerfi þar sem allir þátttakendur leggja fram sínar hugmyndir, verklag og styrkleika. Þannig er hægt að læra af og nýta sér fjölbreytileikann og mismunandi nálgun allra í verkefninu.  

Áherslur

• Sam-evrópsk sköpun, dreifing verka og nýsköpun á sviði menningar og skapandi greina
• Auðveldara aðgengi að styrkjum Creative Europe með hærra framlagi og auknum þátttökukostnaði frá áætluninni
• Sérsniðnir ferðastyrkir til heimsókna eða námsferða landa á milli fyrir listamenn og fagfólk
• Aðgerðir sem beinast að ólíkum þörfum mismunandi sviða menningargeirans, tónlistar, bókmennta, byggingarlistar, menningararfs, hönnunar, tísku og menningartengdrar ferðaþjónustu

Aukið vægi verkefna

Verkefni með eitt eða fleiri eftirfarandi forgangsatriði innanborðs fá aukið vægi:

• Aðgengi að menningu aukið og raunþátttaka neytenda bætt, einnig á stafrænan hátt.

• Félagsleg inngilding með hjálp menningarverkefna: fyrir hreyfihamlaða, minnihlutahópa, jaðarhópa o fl.

• Sjálfbærni: verkefni sem ýta undir grænar lausnir, New European Bauhaus. Stutt við umhverfisvænar lausnir með hjálp samstarfsverkefna.

• Nýjar tæknilausnir: Evrópski menningargeirinn nýti tæknilausnir til í átt að aukinni samkeppnishæfni og svörum við Covid 19 kreppu.

• Alþjóðleg vídd: að auka hæfni og þátttöku ör- og grasrótarfélaga í skapandi greinum og menningu á evrópska vísu og víðar.

• Forgangsatriði eftir sviðum til stuðnings verkefna á borð við þjálfunar netverka, markaðsaðgengi og annarra lausna.

• Bókmenntir: Styrkja fagfólk á sviði bókmennta dreifingar og þýðinga með það að markmiði að evrópskar bókmenntir dreifist víðar innan Evrópu og áfram – sérstaklega þær sem koma frá minni málsvæðum.

Skilyrði úthlutunar

Aðeins lögaðilar sem hafa starfað í minnst 1 ár geta sótt um og ekki er um neina styrki að ræða til einstaklinga.

Ítarlegri upplýsingar

Allar nánari upplýsingar  um menningarhluta Creative Europe er hægt að nálgast á miðlægri vefsíðu áætlunarinnar.