COST verkefni

Fyrir hverja?

Vísindafólk og fyrirtæki sem hafa áhuga á að komast í alþjóðlegt rannsóknasamstarf á sínum fræðasviðum.  

Til hvers?

Tilgangur COST verkefna er að byggja upp samstarfsnet á ákveðnum rannsóknasviðum. Þátttakendur í COST verkefnum skiptast á reynslu og niðurstöðum í gegnum fundi og ráðstefnur, vinnusmiðjur, skammtíma vísindaverkefni, þjálfunarskóla, miðlunarverkefni og vettvangsheimsóknir. 

COST áætlunin fjármagnar ekki rannsóknir en veitir stuðning við verkefni sem eru framkvæmd innan áætlunarinnar.

Umsókn um aðkomu að COST verkefni


EN

Hvert er markmiðið?

Tilgangur COST verkefna (COST Actions) er að byggja upp samstarfsnet á ákveðnum rannsóknasviðum. Þátttakendur í COST verkefnum skiptast á reynslu og niðurstöðum í gegnum fundi og ráðstefnur, vinnustofur og heimsóknir.  COST áætlunin fjármagnar ekki rannsóknir.

Hverjir geta sótt um?

COST er opið rannsakendum á öllum sviðum vísinda og tækni - allt frá reyndara vísindafólki að doktorsnemum. Einnig er COST opið vísindafólki lítilla og meðalstórra fyrirtækja (SME), frjálsra félagasamtaka (NGO) og opinberra stofnana sem vinna að rannsóknatengdri nýsköpun.

Hægt er að taka þátt í COST á ýmsan hátt:

  1. Gerast stjórnarmeðlimur í COST verkefnum sem hafa þegar hlotið styrk. Árlega berst tilkynning um þau verkefni sem hafa hlotið styrk og er þá opnað fyrir þátttöku allra landa í verkefnin. Hvert land getur tilnefnt 2 stjórnarmeðlimi. Stjórn verkefnisins fundar um tvisvar á ári og unnið er þess á milli að sameiginlegum markmiðum. Hér má lesa nánar um hvernig maður sækir um að taka þátt í COST verkefnum. Á vefsvæði Cost er hægt að leita að samþykktum COST verkefnum.
  2. Leiða verkefni og/eða taka þátt í að skrifa umsókn. Auglýst er eftir umsóknum 1-2 svar á ári. Farið er fram á samstarf a.m.k. 7 samstarfslanda. Lesa nánar um umsóknaferlið.
  3. Taka þátt í ráðstefnum, vinnusmiðjum eða vettvangsferðum á vegum verkefna. Þátttaka í er opin öllu íslensku fræðafólki á sviði verkefnisins ef Ísland er með skráðan stjórnarmeðlim í verkefninu (sjá lið 1).
  4. Skráðu þig sem matsmann (review panel) á heimasíðu COST. Matsmenn skulu vera reynslumiklir vísindamenn á sínu sviði og eru þeir hugsanlega kallaðir til ef að inn koma umsóknir sem falla að þeirra fræðasviði. 

Hvað er styrkt?

Verkefnið greiðir fyrir kostnað vegna ferða og ráðstefnuhalds en greiðir ekki kostnað við rannsóknavinnuna sjálfa.  COST verkefni hafa oft leitt til áframhaldandi samstarfs á milli þátttakenda, t.a.m. styrkumsóknir í stærri rannsóknarverkefni innan Horizon Europe.

Fulltrúar Íslands

Fulltrúar Íslands eru Auður Rán Þorgeirsdóttir, vísindafulltrúi í sendiráði Íslands í Brussel, sem situr í yfirnefnd COST (CSO - Committee of Senior Officials) og Bylgja Valtýsdóttir hjá Rannís sem gegnir hlutverki landsfulltrúa (CNC - COST National Contact). Auk þess á Ísland fulltrúa í vísindanefnd COST, Dr. Ragnheiður Inga Þórarinsdóttir rektor Landbúnaðarháskóla Íslands.

Frekari upplýsingar á vefsíðu COST








Þetta vefsvæði byggir á Eplica