Rannsóknaþing

Rannís skipuleggur Rannsóknaþing í samstarfi við Vísinda- og tækniráð þar sem tekin eru fyrir stefnumál á sviði rannsókna og nýsköpunar. 

Á Rannsóknaþingi eru veitt Hvatningarverðlaun Vísinda- og tækniráðs þeim vísindamanni sem snemma á ferlinum þykir hafa skarað fram úr og skapað væntingar um framlag í vísindastarfi er treysti stoðir mannlífs á Íslandi. Verðlaunin hafa verið veitt frá árinu 1987. 

Rannsóknaþing 2019 

Þriðjudaginn 5. nóvember 2019 klukkan 14:00 - 16:30 á Grand Hótel Reykjavík, Háteigi.

Yfirskrift þingsins í ár er Alþjóðlegt samstarf, áherslur og tækifæri í rannsóknum.

Á þinginu verður sjónum beint að því sem fram undan er í alþjóðlegu samstarfi í rannsóknum og menntamálum. Ný tækifæri felast í nýjum samstarfsáætlunum ESB, Horizon Europe rannsókna- og nýsköpunaráætluninni og Erasmus+ menntaáætluninni. Breyttar áherslur eru í norrænu samstarfi, auk þess sem Rannsóknasjóður og Tækniþróunarsjóður hafa heimild til þátttöku í alþjóðlegum samstarfsverkefnum samkeppnissjóða. 

Dagskrá

  • Forstöðumaður Rannís, Hallgrímur Jónasson, býður gesti velkomna.
  • Setning Rannsóknaþings
    • Lilja Alfreðsdóttir, mennta- og menningarmálaráðherra.
  • Hvað er framundan í alþjóðasamstarfi? Næstu samstarfsáætlanir ESB og norrænt samstarf
  • Áherslur og tækifæri í rannsóknum
  • Áherslur í alþjóðaáætlunum – Pallborðsumræður:
    • Bryndís Björk Ásgeirsdóttir, deildarforseti sálfræðideildar Háskólans í Reykjavík.
    • Bryndís H. Snæbjörnsdóttir, prófessor í myndlist við Listaháskóla Íslands.
    • Eiríkur Smári Sigurðarson, rannsóknastjóri hugvísindasviðs Háskóla Íslands.
    • Eiríkur Steingrímsson, prófessor við læknadeild Háskóla Íslands.
    • Hannes Högni Vilhjálmsson, dósent í tölvunarfræði við Háskólann í Reykjavík.
    • Stjórnandi pallborðs er Hallgrímur Jónasson.
  • Afhending Hvatningarverðlauna Vísinda- og tækniráðs
    • Kristján Leósson formaður dómnefndar, gerir grein fyrir valinu.
    • Katrín Jakobsdóttir, forsætisráðherra og formaður Vísinda- og tækniráðs afhendir verðlaunin.

Dagskrárlok, léttar veitingar

Fundarstjóri er Ragnhildur Helgadóttir, formaður vísindanefndar Vísinda- og tækniráðs.

Aðgangur er ókeypis en gestir þurfa að skrá sig.
Allir velkomnir!

Þinginu var streymt: Opna upptöku frá Rannsóknaþingi








Þetta vefsvæði byggir á Eplica