Rannsóknaþing 2024 og afhending Hvatningarverðlauna Rannsóknasjóðs

22.3.2024

Rannsóknaþing verður haldið fimmtudaginn 18. apríl kl. 14.00-16.00 undir yfirskriftinni Forgangsröðun í rannsóknum. Þingið fer fram á Hilton Reykjavík Nordica. Þá verða Hvatningarverðlaun Rannsóknasjóðs veitt fyrir árin 2023 og 2024.

  • Mynd-med-grein-a-vef-Rannis-snidmat-9-

Á Rannsóknaþingi eru tekin fyrir stefnumál á sviði rannsókna og nýsköpunar, litið til baka og horft til framtíðar. Á hverju þingi er settur skýr fókus á tiltekið umfjöllunarefni og í ár verður horft til forgangsröðunar í rannsóknum. Rætt verður um væntanlegt áhrifamat á markáætlun um öndvegissetur og rannsóknarklasa auk þess sem rætt verður um framtíðarhorfur í forgangsröðun rannsókna á Íslandi. 

Áslaug Arna Sigurbjörnsdóttir, háskóla-, iðnaðar- og nýsköpunarráðherra opnar þingið og mun einnig veita Hvatningarverðlaun Rannsóknasjóðs fyrir árin 2023 og 2024 í lok þingsins.

Dagskrá*

  • Setning Rannsóknaþings
    • Áslaug Arna Sigurbjörnsdóttir, háskóla-, iðnaðar- og nýsköpunarráðherra
  • Áhrifamat á markáætlun öndvegissetra og rannsóknaklasa
    • Halla Þorsteinsdóttir, aðjúnkt hjá Háskólanum í Tóronto, Kanada og forstjóri Small Globe.
  • Forgangsröðun í rannsóknum - Pallborð
    • Áslaug Arna Sigurbjörnsdóttir, háskóla-, iðnaðar- og nýsköpunarráðherra
    • Elín Díanna Gunnarsdóttir aðstoðarrektor Háskólans á Akureyri
    • Hans Tómas Björnsson, prófessor við Læknadeild Háskóla Íslands
    • Irma Jóhanna Erlingsdóttir, prófessor við mála- og menningardeild Háskóla Íslands og forstöðurmaður GEST / RIKK
    • Hjalti Pálsson, rekstrarstjóri hjá Jarðhitaklasanum Georg
    • Kristinn R. Þórisson, prófessor við tölvunarfræðideild Háskólans í Reykjavík

              Pallborðstjóri: Sigurður Óli Sigurðsson, sviðsstjóri rannsókna-
              og nýsköpunarsviðs Rannís

  • Afhending Hvatningarverðlauna Rannsóknasjóðs
    • Ingibjörg Gunnarsdóttir, formaður dómnefndar, gerir grein fyrir störfum dómnefndar
    • Áslaug Arna Sigurbjörnsdóttir, háskóla-, iðnaðar- og nýsköpunarráðherra afhendir verðlaunin

Fundarstjóri: Ágúst Hjörtur Ingþórsson, forstöðumaður Rannís.

*Birt með fyrirvara um breytingar.

Að loknu þingi er boðið upp á léttar veitingar.

Rannsóknaþingið verður einnig í beinu streymi og mun hlekkur á streymi birtast hér fyrir neðan þegar nær dregur.

Öll eru velkomin á Rannsóknaþing en gestir eru þó beðnir um að skrá sig á þingið í meðfylgjandi hlekk.

 Skráning á Rannsóknaþing

Hér mun hlekkur á streymi birtast.









Þetta vefsvæði byggir á Eplica